ԱՄՆ-ի անօդաչու սարքերը հարվածներ են հասցրել Իրաքի ջիհադիստների դիրքերին

Ամերիկյան անօդաչու սարքերը ոչնչացրել են Իրաքի հյուսիսային Սինջար քաղաքի մոտակայքում տեղակայված 2 զրահամեքենա. հայտնում է BBC Russian-ը:  Այդ մասին ասվում է Պենտագոնի հայտարարությունում: 

Գործողությունն իրականացվել է «Իսլամական պետություն» ծայրահեղական խմբավորման մարտիկների կողմից Կավջու գյուղի խաղաղ բնակիչների վրա հարձակման մասին տեղեկություններ ստանալուց հետո:

Ավելի վաղ իրաքյան Քրդստանի իշխանությունները հայտնել էին, որ «Իսլամական պետության» ջիհադիստները գազանաբար են վարվել երկրի հյուսիսում գտնվող գյուղերից մեկի 80 քուրդ-եզդիների հետ:

Նրանց խոսքերով՝ ծայրահեղականները առևանգել են կանանց ու երեխաների: