Ականի պայթյունից վիրավորածների կյանքին վտանգ չի սպառնում

ԼՂՀ Քաշաթաղի հյուսիսային մասում «Վիլիս» մակնիշի ավտոմեքենան, ըստ նախնական տեղեկությունների, պայթել է ականապատ տարածքում, ինչի հետևանքով 1 հոգի մահացել է, իսկ 3 հոգի ստացել են մարմնական վնասվածքներ: Վիրավորների թվում է Արմավիրի քաղաքապետ Ռուբեն Խլղաթյանը:

Նշվում էր, որ քաղաքապետը ծայրահեղ ծանր վիճակում է:

Yerkir.am-ի թղթակիցը «Էրեբունի» բժշկական կենտրոնից տեղեկացնում է, որ, ըստ բժիշկների, վիրավորների կյանքին վտանգ չի սպառնում: Նախնական հետազոտություն է կատարվել, բայց հստակ որեւէ այլ տեղեկություն, այս պահի դրությամբ, բժիշկները դժվարանում են ասել:

Հիվանդներին տեղափոխել են վերակենդանացման բաժանմունք: Վիճակը գնահատվում է կայուն ծանր: