Ֆուտբոլ. Հայաստանի բարձրագույն խմբի առաջնության 21-րդ տուրից առաջ

Ֆուտբոլի Հայաստանի բարձրագույն խմբի առաջնության 19-րդ տուրի հետաձգված խաղերից հետո «Բանանց»-ը, որն այս տարի հանդես էր գալիս 100 տոկոսանոց արդյունքով, առաջին պարտությունը կրեց «Միկա»-ից: «Միկա»-ն հաղթանակից հետո շրջանցեց «Փյունիկ»-ին եւ դուրս եկավ 4-րդ հորիզանական, իսկ «Ալաշկերտ»-ը լքեց վերջին հորիզոնականը` թողնելով այն «Ուլիս»-ին:

Թիմերը մրցաշարային աղյուսակում դասավորվեցին հետևյալ հերթականությամբ`

21-րդ տուրի հանդիպումները տեղի կունենան ապրիլի 12-ին և 13-ին:  Տուրի մեկնարկային օրը «Միկա»-ն սեփական հարկի տակ կընդունի «Շիրակ»-ին, իսկ «Փյունիկ»-ը` «Արարատ»-ին: Ապրիլի 13-ին «Գանձասար»-ը Կապանում կմրցի «Ուլիս»-ի հետ, իսկ «Բանանց»-ը կհյուրընկալվի «Ալաշկերտ»-ին:

«Արարատ»-«Փյունիկ»

Հատկանշական է, որ առաջնության առաջատար «Արարատ»-ը այս տարի անցկացրած 6 հանդիպումներից հաղթել է ընդամենը 2-ում, այն էլ հետնապահներին` «Ուլիս»-ին և «Ալաշկերտ»-ին: Խաշմանյանի սաները կրել են 1 պարտություն, իսկ մնացած խաղերն ավարտել ոչ-ոքի:

«Փյունիկ»-ը տոնել է 3 հաղթանակ, 2 խաղում կրել պարտություն, մնացած հանդիպումներն ավարտել ոչ-ոքի:

Նախորդ 2 խաղաշրջաններում էլ առավելության են հասել արարատցիները` առաջին խաղաշրջանում` 1:0, իսկ 2-րդ-ում` 2:0 հաշվով:

«Միկա»-«Շիրակ»

«Միկա»-ն այս տարվա անցկացրած 6 խաղերից հաղթել է 3-ում, 2 խաղ ավարտել ոչ-ոքի և կրել 1 պատություն` «Փյունիկ»-ից:

«Շիրակ»-ը նույնպես ունի 3 հաղթանակ, 2 ոչ-ոքի, և մեկ պատություն: Բիչախչյանի սաներն այս տարվա խաղերում պարտվել են  միայն «Բանանց»-ին:  

Հետաքրքիր է, որ նախորդ 2 խաղաշրջաններում թիմերը 2 խաղերն էլ ավարտել են արդյունավետ ոչ-ոքիներով: 7-րդ տուրում թիմերը փոխանակել են մեկական գնդակ, իսկ 2-րդ խաղաշրջանի 14-րդ տուրում գրանցվել է 2:2 հաշիվ:

«Ալաշկերտ»-«Բանանց»

19-րդ տուրի հետաձգված խաղերում 2 թիմերն էլ անակնկալ գրանցեցին: «Ալաշկերտը» անընդմեջ պարտություններից հետո հաղթեց «Գանձասար»-ին, իսկ «Բանանց»-ը անընդմեջ հաղթանակներից հետո պարտվեց «Միկա»-ին: Այս մրցաշրջանում թիմերի  առաջին խաղում գրանցվել է 2:2 հաշիվ, իսկ 2-րդ-ում «Բանանց»-ը 7 անպատասխան գնդակ է ուղարկել ալաշկերտցիների դարպասը:

«Գանձասար»-«Ուլիս»

Մրցաշարային աղյուսակը եզրափակող «Ուլիս»-ը պարտվել է այս տարվա բոլոր խաղերում, իսկ կապանցիները կրել են 2 պարտություն` մնացած բոլոր խաղերն ավարտելով ոչ-ոքի արդյունքով: Մրցաշրջանի առաջին խաղում «Գանձասար»-ը հաղթել է նվազագույն հաշվով, իսկ 2-րդում գրանցվել է գոլազուրկ արդյունք:

Եվ այսպես` 21-րդ տուրից հետո պայքարը չեմպիոնության համար առավել կսրվի, եթե «Փյունիկ»-ը կարողանա միավորներ խլել «Արարատ»-ից, իսկ «Ալաշկերտ»-ը` «Բանանց»-ից: 

Երվանդ ՀԱԿՈԲՅԱՆ