Կիմ Չեն Ընը իր հետ հարցազրույցի համար 1 մլն դոլար է պահանջում

Հյուսիսային Կորեայի առաջնորդ Կիմ Չեն Ընը 1 մլն դոլար է պահանջում օտարերկրյա հրատարակություններից իր հետ հարցազրույցի համար. հայտնում է Голос России-ն` վկայակոչելով հարավակորեական ԶԼՄ-ներ:

ԿԺԴՀ վարչակազմը Կորեական պատերազմի ավարտի 60-ամյակի կապակցությամբ հուլիսի 27-ին կազմակերպվելիք տոնակատարությանը բազմաթիվ օտարերկրյա լրագրողների է հրավիրել, այդ թվում` Associated Press-ի եւ BBC-ի: Նրանց ուղարկված հրավերում ասվում է, որ Կիմ Չեն Ընը պատրաստ է 1 մլն դոլարի դիմաց հարցազրույց տալ: Ենթադրվում է, որ առաջնորդը կարող է թույլ տալ, որ իրեն մի քանի «սուր» հարց տան: Առայժմ հայտնի չէ` որեւէ լրատվամիջոց ընդունե՞լ է այդ առաջարկը: