Սնոուդենը` Խաղաղության Նոբելյան մրցանակի թեկնածու

Շվեդիայի գիտությունների թագավորական ակադեմիայի անդամ, սոցիոլոգիայի պրոֆեսոր Ստեֆան Սվալֆորսը Նորվեգական նոբելյան կոմիտե նամակ է ուղարկել, որում առաջարկել է Խաղաղության Նոբելյան մրցանակ շնորհել ԿՀՎ նախկին գործակալ Էդվարդ Սնոուդենին. տեղեկացնում է ИТАР-ТАСС-ը:

Նամակում նշվում է, որ «Սնոուդենի հերոսական ջանքերը, կիրառված ի վնաս սեփական դիրքի, լույս են սփռում այն լայնածավալ լրտեսական աշխատանքի վրա, որ վարում է ԱՄՆ-ը»: «Սնոուդենի շնորհիվ աշխարհը դարձավ ավելի լավն ու անվտանգ»,- գրել է պրոֆեսորը:

Սնոուդենի անունն արդեն չի կարող ընդգրկվել 2013 թվականի թեկնածուների ցուցակում, սակայն նա մրցանակին կարող է հավակնել 2014-ին: Եվ եթե ստանա այն, կդառնա  ամենաերիտասարդ Նոբելյան մրցանակակիրը: