Հրազդանի գերեզմանատանը հայտնաբերվել է Եղվարդի ոստիկանապետի դին

Հրազդան քաղաքի գերեզմանատանը հայտնաբերվել է Եղվարդի ոստիկանապետ, ոստիկանության գնդապետ Կորյուն Հարությունյանի դին:

ԱԻՆ-ը տեղեկացնում է, որ մայիսի 2-ին` ժամը 09.32-ին, Կորյուն Հարությունյանի վարորդից տեղեկատվություն է ստացվել, որ իր ղեկավարը մայիսի 1-ին` ժամը 14.30-ի սահմաններում, «Նիսսան» մակնիշի 050 VU 03 պետհամարանիշով ծառայողական ավտոմեքենայով դուրս է եկել Եղվարդի ոստիկանության վարչական շենքից և նրա գտնվելու վայրի մասին ոչ մի տեղեկություն չկա:

Դեպքի վայր է մեկնել հատուկ փրկարարական ջոկատի օպերատիվ խումբը: Ոստիկանները Հրազդան քաղաքի գերեզմանատանը կայանված ծառայողական ավտոմեքենայում հայտնաբերել են Կորյուն Հարությունյանի դին` գլխի շրջանում հրազենային վնասվածքով: