ՄԱԿ-ը պատժամիջոցներ կսահմանի ''Ջեբհաթ ան Նուսրա'' խմբավորման նկատմամբ

ՄԱԿ-ի Անվտանգության խորհուրդը մտադիր է Սիրիայում պատերազմող «Ջաբհաթ ան Նուսրա» արմատական խմբավորումն ընդգրկել «Ալ Քաիդա»-ի հետ կապված կազմակերպությունների ցուցակում: Այդ մասին ИТАР-ТАСС-ին տեղեկացրել է ՄԱԿ-ի կենտրոնական գրասենյակի տեղեկացված աղբյուրը:

Ապրիլի 10-ին պարզ է դարձել, որ այդ խմբավորման գրոհայինները հավատարմության երդում են տվել «Ալ Քաիդա»-ին: «Հիմա խմբավորումը ՄԱԿ-ի ԱԽ 1267 բանաձեւի պատժիչ ցուցակում ընդգրելու հիմք կա»,- ասել է գործակալության զրուցակիցը:

Երեկ Սիրիայի ԱԳՆ-ն դիմել էր ՄԱԿ-ի ԱԽ-ին` «Ջաբհաթ ան Նուսրա»-ին այդ ցուցակում ընդգրկելու պահանջով, ինչը ենթադրում է խմբավորման ունեցվածքի սառեցում եւ տեղաշարժի արգելք: