Դոնալդ Թրամպը ապացուցել է, որ օրանգուտանի որդի չէ

Ամերիկացի հայտնի գործարար Դոնալդ Թրամպը շահել է շատ տարօրինակ վեճում եւ հիմա դատարանի միջոցով պահանջում է իր մրցանակը:

Ջեյ Լենոյի շոուի ժամանակ հեռուստահաղորդավար Բիլ Մայերը Թրամպին 5 մլն դոլար է խոստացել, եթե նա կարողանա փաստաթղթերով ապացուցել, որ իր ծնունդը հետեւանք չէ «օրանգուտանի հետ իր մոր սեքսուալ հարաբերությունների»: Գրազ եկած հայտնի դեմքերը նաեւ փաստթուղթ են ստորագրում վեճի բոլոր պայմանների կատարման վերաբերյալ. տեղեկացնում է rosbalt-ը:

Հայցում, որը Թրամպը ներկայացրել է Լոս Անջելեսի դատարան, ասվում է, որ ինքը Մայերին ներկայացրել է փաստաթուղթ` հավաստող, որ իր հայրը մարդ է, սակայն հեռուստահաղորդավարը հրաժարվում է վճարել 5 մլն դոլարը: