Զինծառայող է ինքնասպան եղել

ԼՂՀ Մարտակերտի շրջանի «Եղնիկներ» կոչվող զորամասում հոկտեմբերի 9-ի առավոտյան գտել են 1992 թ. ծնված Վլադիմիր Անդրանիկի Ասատրյանի դին:

Ասատրյանը Երեւանի բնակիչ է։ Նախնական վարկածով՝  նա ինքնասպան է եղել:

ՀՀ ՊՆ քննչական բաժնի հասարակայնության հետ կապերի բաժնից հայտնում են, որ ՊՆ քննչական ծառայության 3-րդ կայազորային քննչական բաժնում քրեական գործ է հարուցվել Քրեական օրենսգրքի 359 հոդվածի առաջին մասով (զինծառայողների փոխհարաբարերությունների կանոնագրքային կանոնները խախտելը նրանց միջեւ ստորադասության հարաբերությունների բացակայությամբ դեպքում, որն արտահայտվել է անձի պատիվն ու արժանապատվությունը ստորացնելով, նրանց ծաղրի ենթարկելով կամ հալածելով կամ զուգորդվել է բռնություններով): Կատարվում է նախաքննություն:

Առայժմ ձերբակալվածներ չկան: