close
Եղանակը Երևանում
12 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
12 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Համազգայինի Կեդրոնական Վարչութիւնը Հանդիպում Ունեցաւ ՀՅԴ Բիւրոյի Ներկայացուցիչին Հետ

Քաղաքական

30 Հունիսի 2022, 12:21
 Համազգայինի Կեդրոնական Վարչութիւնը Հանդիպում Ունեցաւ ՀՅԴ Բիւրոյի Ներկայացուցիչին Հետ

Երեքշաբթի, 28 յունիս 2022-ին ՀՅԴ Բիւրոյի ներկայացուցիչ Յակոբ Տէր Խաչատուրեան այցելեց «Շաղզոյեան» կեդրոնի «Բագին»-ի գրասենեակ եւ հանդիպում մը ունեցաւ Համազգայինի նորընտիր Կեդրոնական վարչութեան անդամներու հետ:

ՀՅԴ Բիւրոյի ներկայացուցիչը նախ եւ առաջ շնորհաւորեց նորընտիր կազմը եւ յաջողութիւն մաղթեց անոր աշխատանքներուն: Ապա անդրադարձ կատարուեցաւ Համազգայինի տարբեր շրջաններու գործունէութեան եւ տեղի ունեցաւ կարծիքներու ու մտահոգութիւններու փոխանակում: Այս գծով անհրաժեշտ նկատուեցաւ Համազգայինի կառոյցներ ստեղծելու աշխատանքը շարունակել Արեւմտեան Եւրոպայի տարածքին, ինչպէս նաեւ յատուկ ճիգով աշխուժացնել Համազգայինի գործունէութիւնը Եւրոպայի եւ ոչ գործօն այլ շրջաններու մէջ:

Յատուկ կերպով խօսուեցաւ Համազգայինի կրթական կառոյցներու, մասնաւորաբար Պէյրութի Մ. եւ Հ. Արսլանեան Ճեմարանի եւ Մարսէյի Ճեմարանի աշխատանքներուն մասին: Անգամ մը եւս ընդգծուեցաւ Լիբանանի ներկայ պայմաններուն մէջ հայ դպրոցը կանգուն պահելու առաջնահերթութիւնը եւ այս առնչութեամբ համագաղութային առումով նիւթաբարոյական աջակցութեան շարունակութեան անհրաժեշտութիւնը:

Արծարծուեցաւ Համազգայինի յառաջիկայ փուլի գործունէութիւնը, եւ զեկուցուեցաւ եկող ամիսներուն իրականացուելիք ծրագիրներուն ու աշխատանքներուն մասին, ինչպէս` Հայաստանի մէջ Ուսանողական ֆորում, «Բագին» պաշտօնաթերթի 60-ամեակ, գումարուելիք գիտաժողովները եւ այլ ծրագիրներ:

Հանդիպումին ընթացքին շեշտը դրուեցաւ նաեւ ուղեկից միութիւններու միջեւ համագործակցութեան կարեւորութեան վրայ, եւ այս ուղղութեամբ քննարկուեցան ձեռնարկուելիք յառաջիկայ քայլերը: Խօսուեցաւ նաեւ այլ կազմակերպութիւններու հետ գործակցութեան կարելիութիւններու մասին:

aztagdaily.com

Այս բաժնի այլ նորությունները
Ամենաշատ ընթերցվածները
Yandex.Metrica