close
Եղանակը Երևանում
17 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
17 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նիկոլի պաշտոնանկության հիմքերի ամբողջացում և ժողովրդի կողմից վարչապետի թեկնածուի առաջադրում. հատված՝ Իշխան Սաղաթելյանի ելույթից

Հասարակություն

15 Հունիսի 2022, 22:13
 Նիկոլի պաշտոնանկության հիմքերի ամբողջացում և ժողովրդի կողմից վարչապետի թեկնածուի առաջադրում. հատված՝ Իշխան Սաղաթելյանի ելույթից

Ներկայացնում ենք հատված Իշխան Սաղաթելյանի՝ Ֆրանսիայի հրապարակում հունիսի 14-ին տեղի ունեցած հանրահավաքի ելույթից.

«Սիրելի՛ հայրենակիցներ, շարժան ներուժը մեծացնելու, աշխարհագրությունը ընդլայնելու, գործիքակազմը հարստացնելու, նոր մոտեցումներ որդեգրելու, հարթակը ընդլայնելու, հստակ գործողությունների ծրագրով պայքարը շարունակելու նոր հանգրվանի առջեւ ենք։ 

Նախ անհրաժեշտ է որոշակի վերափոխման ենթարկել «Դիմադրություն» շարժման կառուցվածքը  և  մարտավարությունը՝ միաժամանակ կապիտալիզացնելով արձանագրած ձեռքբերումները։ 

Ըստ այդմ`

       1. Անհրաժեշտ է ինստիտուցիոնալ բնույթ հաղորդել շարժմանը՝ քաղաքական, կազմակերպական, քարոզչական աշխատանքներն ավելի արդյունավետ դարձնելու համար։

       2. Շարժմանը պետք է ցանցային բնույթ հաղորդել՝ կյանքի կոչելով տարածքային եւ ճյուղային կառուցվածքային միավորներ։ 

Սա իրենից ենթադրոմ է որ շարժումը ունենալու է ենթակառուցվածքներ, այսինքն` կոմիտեներ, ոլորտային հանձնախմբեր, սրանով մենք լուծելու ենք  քաղաքական, կազմակերպական, քարոզչական ուղղություններով կադրային ներուժը մեծացնելու,  նորանոր խմբերի ու կարող անհատների ընդգրկելով՝ շարժումը ավելի ընդլայնելու   և նոր ուժ տալու հարցը:

Միաժամանակ, մեր հիմնական օրակարգում պահելով Նիկոլի հրաժարականի հարցը, հարկ է նկատի ունենալ, որ օգոստոսի 2-ին լրանում է նրա պաշտոնավարման մեկ տարին, և նրան աթոռից հեռացնելու մեր գործիքակազմին ավելանում է ևս մեկը։ Հետեւաբար, երկու ուղղություններով նախապատրաստական աշխատանքներ սկսելու հարց ունենք՝

  1. պաշտոնանկության հիմքերի ամբողջացում (իրավական-քաղաքական), դրա հանրային համաժողովրդական պահանջի դրսևորում,
  2. ժողովրդի կողմից վարչապետի թեկնածուի առաջադրում՝ ի բավարարումն օրենքով սահմանված`  անվստահություն հայտնելու նախապայմանի։

Այս մասին, սակայն, ավելի մանրամասն ու հանգամանալից խոսելու առիթ դեռ կունենանք: 

Հատում ուզում եմ նշել այս գործընթացը կմեկնարկի հաջողության հասնելու համար ՝ բավարար և անհրաժեշտ աշխատանք անելուց հետո»:

Ամենաշատ ընթերցվածները
Yandex.Metrica