ՏԵՍԱՆՅՈՒԹ․ Այս երկրում իրավիճակ է փոխվել․ «Դիմադրություն» շարժումը Բաղրամյան 26-ից վերադարձավ Ֆրանսիայի հրապարակ
Քաղաքական
«Դիմադրություն» շարժման երթը Բաղրամյան 26-ում ՀԱՊԿ երկրների ԱԳ նախարարների խորհրդի նիստին հղելով իր ուղերձները՝ վերադարձավ Ֆրանսիայի հրապարակ՝ հայտնում է Yerkir.am-ը։
«Մեր ուղերձը փոխանցեցինք այստեղ, որ մենք արձանագրում ենք առանց Նիկոլ Հայաստան։ Նիկոլը այստեղից դուրս գալիս կարող է պաշտոնական ընթրիք կազմակերպել, բայց ինչ էլ անի՝ ցանկացած իշխանություն հասկանում է, որ այս երկրում իրավիճակ է փոխվել․ սրանց հետ անհնար է գործ անել, որովհետև ստեղծվել է քաղաքական ճգնաժամ, այդ ճգնաժամը «Դիմադրություն» շարժումը հանգուցալուծելու է և ունենալու ենք Առանց Նիկոլ Հայաստան»,-հայտարարեց Գեղամ Մանուկյանը։
Նա վստահեցրեց, որ Նիկոլը ինչպես ստախոս է ցանկացած տեղ, նաև սուտ է խոսում ՀԱՊԿ-ում։
«Առաջինը փորձեց հեղինակազրկել ՀԱՊԿ-ը, փորձեց խաբել՝ իբր ՀԱՊԿ-ը չի հասնում օգնության, չլիներ ստախոսը՝ լիներ նորմալ ղեկավար, որոշեր դիմել ՀԱՊԿ-ին, տեսնեինք՝ չէի՞ն լսի, պարզապես նրանց չեն հարգում»,-ասաց Գեղամ Մանուկյանը։
Մանրամասն՝ տեսանյութում․
