close
Եղանակը Երևանում
29 Հունիսի 2022
+16°
+27°Ցերեկ
+15°Գիշեր
weather
close
Փոխարժեք
29 Հնս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գարեջրի շշով հարվածել էր համատիրության դռանը, վնասել սրճարանի ապակիները. խուլիգանության մեղադրանք է առաջադրվել

Հասարակություն

24 Մայիսի 2022, 11:58
 Գարեջրի շշով հարվածել էր համատիրության դռանը, վնասել սրճարանի ապակիները. խուլիգանության մեղադրանք է առաջադրվել

ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում իրականացված քննչական և դատավարական այլ գործողությունների արդյունքում պարզվել են Երևան քաղաքի տարբեր հատվածներում կատարված խուլիգանության դեպքերի մի շարք հանգամանքներ:

ՔԿ-ից  հայտնում են, որ  2022 թվականի ապրիլի 29-ին՝ ժամը 06:30-ին, Երևան քաղաքի Սայաթ-Նովա փողոցում քաղաքացին, խուլիգանական մղումներով, սեփական անձի ենթադրյալ առավելությունն ընդգծելու մոլուցքով տարված, բարձրաձայն հայհոյելով, ուղղակի դիտավորությամբ կոպիտ կերպով խախտելով հասարակական կարգը, գարեջրի դատարկ շշով հարվածել էր համատիրության մուտքի դռանը՝ պատճառելով գույքային վնաս: 

Նույն օրը՝ ժամը 06:48-ին, հաղորդում էր ստացվել նաև այն մասին, որ ենթադրյալ հանցագործություն կատարած անձը վնասել է Երևան քաղաքի Կոմիտասի պողոտայում գործող սրճարանի պատուհանի ապակիները:

Իրականացված քննչական գործողությունների արդյունքում պարզվել էր, որ վերոհիշյալ հանցագործությունները կատարվել են նույն անձի կողմից, ով Երևան քաղաքի բնակիչ է: Ձեռնարկված օպերատիվ-հետախուզական միջոցառումների արդյունքում վերջինս հայտնաբերվել և ներկայացվել էր նախաքննական մարմնին:

Վարույթն իրականացնող մարմինը որոշում էր կայացրել դեպքերի առթիվ հարուցված քրեական գործերը մեկ վարույթում միացնելու և համատեղ քննություն կատարելու վերաբերյալ:

Ձեռք բերված բավարար ապացույցների համակցությամբ նրան մեղադրանք է առաջադրվել՝ ՀՀ քրեական օրենսգրքի 258-րդ հոդվածի 2-րդ մասով (երկու դրվագ), որպես խափանման միջոց ընտրվել է ստորագրություն՝ չհեռանալու մասին:

Նախաքննությունը շարունակվում է:

 

Ամենաշատ ընթերցվածները
Yandex.Metrica