close
Եղանակը Երևանում
2 Հուլիսի 2022
+16°
+27°Ցերեկ
+15°Գիշեր
weather
close
Փոխարժեք
2 Հլս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ոստիկանապետը խոստացել է, որ կպատժեն իրենց լիազորություններն անցած ոստիկաններին. Արեգնազ Մանուկյան

Հասարակություն

19 Մայիսի 2022, 13:11
 Ոստիկանապետը խոստացել է, որ կպատժեն իրենց լիազորություններն անցած ոստիկաններին. Արեգնազ Մանուկյան

Ոստիկանապետն ընդդիմադիրների հետ հանդիպման ժամանակ խոստացել է, որ այն ոստիկանները, որոնք ակցիաների ժամանակ անցել են իրենց լիազորություններն, անպայման կպատժվեն․ այսօր ընդդիմադիրների երթի ժամանակ ասաց ԱԺ «Հայաստան» խմբակցության պատգամավոր Արեգնազ Մանուկյանը՝ անդրադառնալով ակցիաների ժամանակ ոստիկանների գործողություններին, այդ թվում՝ կարմիրբերետավորների կողմից բռնի ուժի կիրառմամբ ակցիայի մասնակիցներին բերման ենթարկելու դեպքերին։

«Հատկապես երեկ առանձնահատուկ էր այն առումով, որ հատուկ ցուցում էին ստացել կարմիրբերետավորներից ոմանք, որ կոնկրետ թիրախային հարձակում գործեն ԱԺ ընդդիմադիր պատգամավորների վրա։ Մենք տեսանք կադրերը, թե ինչպես են Վահե Հակոբյանի նկատմամբ բռնություն գործադրում, Արծվիկ Մինասյանի նկատմամբ անթույլատրելի գործողությունները, որոնց համար այդ ոստիկանները պետք է պարտադիր իրենց պատիժը կրեն»,- նշեց պատգամավորը։

Արեգնազ Մանուկյանն ասաց, որ այդ հանդիպումից հետո այսօրվա երթի ժամանակ իրենց ուղեկցող ոստիկանների գործողություններում ակնհայտ է տարբերությունը։

Հարցին, թե այս ամենի վերաբերյալ միջազգային կառույցներից գնահատականներ չեն հնչում՝ հաշվի առնելով նաև ԱՄՆ դեսպանի հարցազրույցը, Արեգնազ Մանուկյանը պատասխանեց. «Դրանով ակնհայտ են դարձնում այն կասկածները, որ իրականում 2018 թվականի սուտ սիրո և հանդուրժողական հեղափոխությունը իրականացվել է ոչ թե ժողովրդի կողմից։ Եվ հիմա իրենց դիմակն են պատռում, որ, փաստորեն, աջակցել են՝ Հայաստանում գան թուրքահպատակ իշխանություններ և իրականացնեն այն հակահայկական քայլերը, որոնց ականատես ենք եղել և լինում։

Ցավոք, մեր ժողովուրդը, հավատալով այս ստախոս իշխանություններին, նրանց դեմագոգիային, կորցրեց իր զգոնությունը, ինչի արդյունքում հարվածի տակ ենք դրել Հայաստանի ինքնիշխանությունը, կորցրել ենք Արցախի 75%-ը և հիմա կանգնած ենք անդունդի եզրին, կարող ենք կորցնել մեր երկիրը, և այս փողոցներով կարող են քայլել ոչ թե հայերը, այլ թուրքերը»։

Ամենաշատ ընթերցվածները
Yandex.Metrica