close
Եղանակը Երևանում
18 Օգոստոսի 2022
+16°
+27°Ցերեկ
+15°Գիշեր
weather
close
Փոխարժեք
18 Օգս 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սա անմարդկային ցինիզմ է՝ ամեն մի զոհ, ամեն մի ճրագ, որ մարեց Հայոց աշխարհում, Նիկոլի խղճի վրա է․ Արմեն Աշոտյան

Քաղաքական

14 Ապրիլի 2022, 19:49
 Սա անմարդկային ցինիզմ է՝ ամեն մի զոհ, ամեն մի ճրագ, որ մարեց Հայոց աշխարհում, Նիկոլի խղճի վրա է․ Արմեն Աշոտյան

Արցախը միայնակ չէ, Արցախը համայն հայությանն է և մեր ներկայությունը Ստեփանակերտում, այս օրերի ընթացքում, դրա փոքրիկ, բայց կարևոր ապացույցն է:

❗️ Նիկոլը երեկ և այսօր «փրփուրը» բերանին մաղձով և թարախով խոսում էր այն ամենի մասին, ինչի վրա խարսխված է Հայաստանի Երրորդ Հանրապետությունը, ժամանակակից հայի ինքնությունը, մեր արժանապատվությունն ու հավատը:

❗️ Նիկոլը խոսում էր Արցախից ձեռքերը լվանալու, Արցախը հանձնելու տրամաբանության մեջ:

❗️ Սերժ Սարգսյանի գրասենյակի(https://www.facebook.com/ 3rdPresidentofRA/posts/404973508117764), նաև ՝ իմ էջում (https://t.me/melikadamyan2/152) տեղադրված է կարևոր փաստաթղթի մի հատված, որը ապտակ է Նիկոլին և որը վերաբերում է 2016-ի օգոստոսին:

❗️ Կես էջի վրա 3 անգամ ապացուցվում է այն, որ Նիկոլ Փաշինյանը հերթական անգամ ստում է և հերթական անգամ կախվում է թուրքերի համապատասխան տեղերից:

❗️ Նիկոլ Փաշինյանը ժառանգել է բանակցային մի փաստաթուղթ, մոտեցում, ըստ որի բանակցություններն ամբողջությամբ փաթեթային են:

❗️ Փաթեթային լուծում նշանակում է՝ կողմերի համաձայնության դեպքում փաթեթի յուրաքանչյուր էլեմետ իր ժամանակահատվածում պետք է կատարվի: Բայց, կողմերը համաձայնում են փաթեթին և ներկայացված փուլերը, լուծումները փոխկապակցված են:

❗️ Փաթեթային տարբերակում կողմերը գիտեն առաջին քայլից մինչև վերջին քայլը, թե ինչ գործողություններ են տեղի ունենալու, իսկ փուլային տարբերակն այն է, երբ չգիտես՝ «կղանքի» մեջ ես ընկնելու, թե՞՝ ճահճի:

❗️ Ռուսերենի իմացությամբ չփայլող Նիկոլն անգամ կարող էր կարդալ և հասկանալ, որ իր տարածած ստերը կատարյալ զավեշտ են:

❗️ Կառչելով 97, 98 թվականներից, խոսելով փաթեթային, փուլային լուծումներից, Նիկոլը ցանկանում է ձեռք բերել նոր, ազդեցիկ դաշնակիցներ, քանզի նրա ուսապարկերը, մի կտոր հացի համար հայրենիքը ծախող ուժերը, գործիչները, բոլոր նրանք, ովքեր չունեն արժանապատվություն և պատրաստ են Նիկոլի թրքահոտ ոտքերը լվանալ, ջուրը խմել քաղաքական իմաստով իրականում ոչինչ չներկայացնող, փոքր, լրացուցիչ աղմուկ առաջացնող գործիքներ են:

❗️ Այստեղ է «թաքնված շան գլուխը»:

❗️ Խոսելով 98-ի իշխանափոխության մասին՝ Նիկոլը փորձում է Լևոն Տեր-Պետրոսյանին և իր թիմին դարձնել Արցախը հանձնելու գործում իրեն դաշնակից: Գեղցի շուստրիության քայլ է, բայց այլ բան Նիկոլից ակնկալել չէր կարելի:

❗️ Վստահ եմ՝ Լևոն Տեր-Պետրոսյանը թույլ չի տա իր և իր թիմակիցների անունը շաղախել Արցախը հանձնել պատրաստվող, կեղտոտ գործարք անող մարդկանց եփած «բորշի» հետ:

❗️ Նիկոլը 97-98 թվականների իրադարձությունների մեջ խոսում է բացառապես Սերժ Սարգսյանի ու Ռոբերտ Քոչարյանի մասին, մինչդեռ լուսահոգի Վազգեն Սարգսյանը 98-ի իրադարձությունների կիզակետում էր:

❗️ Իսկ թե ինչու Նիկոլը չի տալիս լուսահոգի սպարապետի անունը, ակնհայտ է ՝ որպեսզի չզրկվի իր դաշնակից Արամ Սարգսյանի աջակցությունից:

❗️ Չելենջ՝ պարոն Արամ Սարգսյան, հայտարարե՛ք Ձեր կարծիքը Արցախը հանձնելու, արցախասպան, արցախատյաց քաղաքականության ակնհայտ աղաղակող այս նոր փուլի վերաբերյալ:

❗️ Նիկոլի կեղծիքի հաջորդ դրվագն այն էր, որ Ադրբեջանը անգամ փոխզիջումային տարբերակին չէր համաձայնում, որին համաձայնություն էր տվել Սերժ Սարգսյանը:

❗️ Իրականում ՝ աշխարհի պատմության մեջ գոյություն չունի դեպք, երբ նախկին պետության մի մասն ուզենա առանձնանալ և պետության կենտրոնը համաձայնի:

❗️ Ադրբեջանը կարող էր չհամաձայնել, փոխարենը ՝ միջազգային հանրությունը մշտապես աջակցել է Հայաստանին:

❗️ Հիմա Նիկոլը մեզ վախեցնում է միջազգային հանրությամբ, թե մեզ երաշխիքներ չեն տալիս, որ կարող են զսպել Ադրբեջանին:

❗️ Այդ ո՞ր միջազգային հանրությունն է ասել Նիկոլին գնա հանձնվիր, որովհետև քեզ երաշխիքներ չենք տալու, ո՞րը:

❗️ Անգամ, եթե այդպես է, դա Նիկոլի մեղավորությունն է, նրա արտաքին քաղաքականության ֆիասկոն և դեֆոլտը:

❗️ Նիկոլն ասում էր ՝ անգամ, եթե համաձայներ հողերը հանձնել, ամեն բան նույնն էր լինելու, բայց զոհեր չէինք ունենա:

❗️ Սա անմարդկային ցինիզմ է՝ ամեն մի զոհ, ամեն մի ճրագ, որ մարեց Հայոց աշխարհում, Նիկոլի խղճի վրա է, այն գերեզմանները, որ ավելացան, Նիկոլի խղճի վրա են:

❗️ Նիկոլը ստում է՝ եթե մենք հանձնում էինք 5 շրջան, Ղարաբաղը ստանում էր միջանկյալ կարգավիճակ՝ պահելով Քելբաջարն ու Լաչինը: Սա համեմատելու չի այսօրվա աղետի հետ:

❗️ Թուրքը միշտ էլ ամեն բան ուզել է՝ Երևանն ու անգամ Նիկոլի «դաչան», բայց Շուշին երբեք չի եղել բանակցությունների փաթեթի մաս, նայե՛ք համանախագահ երկրների ղեկավարների հացրազրույցները:

❗️ Նիկոլը թույլ տվեց նաև Շուշիի անկումը:

❗️ Անգամ Նիկոլին ԱԳ նախարարի պաշտոնում ծառայած Մնացականյանը հրաժարական տվեց հենց Շուշիի հարցի շուրջ, երբ Նիկոլը փորձեց Շուշիի թեման շահարկել:

❗️ Այսօր Նիկոլն անգամ ճանճի, անգամ Դերվիշի դերում չի կարող սողոսկել Արցախ:

❗️ Նոյեմբերի 9-ից հետո մենք ունեցանք միջազգային հանրությունից, առնվազն 3 տեղից՝ լրջագույն մեսիջ, որ Արցախի հարցը պատերազմով լուծված չէ.

1. ՌԴ նախագահի հարցազրույցները, որոնցում նա չէր ժխտում Արցախի կարգավիճակի խնդիրը, չէր ժխտում, որ Արցախի խնդիրը լուծված չէ, բայց ասում էր ՝ հիմա պետք է հանդարտեցնել վիճակը, դա հետո լուծվող հարց է:

2. ԵՄ պաշտոնական տեսակետը՝ հրապարակված 2020-ի նոյեմբեր-դեկտեմբեր ամիսներին, որում նշվում է, որ կարգավիճակի խնդիր կա, հիմնարար սկզբունքների խնդիր կա:

3. Ֆրանսիայի Սենատը պատերազմից հետո դիմե՞ց իր կառավարությանը՝ Արցախի անկախությունը ճանաչելու համար:

Այդ ո՞ր «միջազգային հանրությունն է» դեմ Արցախի կարգավիճակի խնդրին:

❗️ Ու՞մ վրա է ծախում Նիկոլը այս թեման:

❗️ Ա՛յ ումուդ, դու քո անձնական ամբիցիաները չես իջեցնում, անգամ ընտրություններին ես մասնակցել, անգամ հիմա հրաժարական չես տալիս, ուզում ես մի ամբողջ հայ ժողովուրդ իր ամբիցիաները զիջի՞:

❗️ Գործողությունների ժամանակը շատ մոտ է և այդ պահանջը կա:

❗️ Պետք է խոսենք, որպեսզի մեր, նիրհի մեջ գտնվող, հայրենակիցներին արթնացնենք:

❗️ Խոսքը լրացնելու է գործին:

❗️ Պետք է պահել ներվը և լինել միակամ:

❗️ Արցախը երբեք չի լինելու Ադրբեջանի կազմում:

Արմեն Աշոտյան

ՀՀԿ փոխնախագահ

Այս բաժնի այլ նորությունները
Ամենաշատ ընթերցվածները
Yandex.Metrica