close
Եղանակը Երևանում
24 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
24 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մենք այստեղ ենք, որովհետև մեր Հայրենիքը դեռ պիտի պաշտպանել և մենք պատրաստ ենք դա անել․ Արմեն Աշոտյան

Հասարակություն

28 Հունվարի 2022, 18:56
 Մենք այստեղ ենք, որովհետև մեր Հայրենիքը դեռ պիտի պաշտպանել և մենք պատրաստ ենք դա անել․ Արմեն Աշոտյան

Հայաստանում շատ վայրեր կան, որ կարելի էր այցելել մեր բանակի ծննդյան օրվա կապակցությամբ:

Իհարկե, և Եռաբլուր, որտեղ հանգչում են մեր ընկերների, մեր զինակից եղբայրների, մեր որդիների և հայրերի, մեր հերոսների աճյունները:

Եվ այլ բազմաթիվ տեղեր, որոնք հայկական են մնացել մեր բանակի շնորհիվ, որոնց պաշտպանության համար հայ զինվորի արյուն է հղվել:

Այսօր մենք Սերժ Սարգսյանի գլխավորությամբ Սարդարապատում ենք հարգում մեր բոլոր զոհվածների հիշատակը, Սարդարապատում ենք նշում մեր բանակի ծննդյան օրը, որովհետև կարծում ենք, որ երկրում ստեղծված օրհասական վիճակը պահանջում է ազգային համախմբում, այնպես, ինչպես 100 տարի առաջ Սարդարապատում էր:

Որովհետև մեր ազգի և պետության գլխին կուտակված սպառնալիքները նույնն են, ինչ 100 տարի առաջ էին և նրանք չեզոքացվեցին Սարդարապատի հերոսամարտով:

Որովհետև եթե մենք չենք ուզում վերջնականապես կորցնել մեր պետությունը, մեր ինքնությունը, մեր Հայրենիքը և մեր արժանապատվությունը, ապա մեր, 21-րդ դարի Սարդարապատը դեռ առջևում է:

Մենք այստեղ ենք ոչ միայն հարգանքի տուրք մատուցելու:

Մենք այստեղ ենք, որովհետև մեր Հայրենիքը դեռ պիտի պաշտպանել և մենք պատրաստ ենք դա անել:

Արմեն Աշոտյան

ՀՀԿ փոխնախագահ


Ամենաշատ ընթերցվածները
Yandex.Metrica