close
Եղանակը Երևանում
25 Մայիսի 2022
+16°
+27°Ցերեկ
+15°Գիշեր
weather
close
Փոխարժեք
25 Մայ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դրական լուրեր ենք ստանում Հայաստանից. Ալիևը` «Զանգեզուրի միջանցքի» մասին

Տարածաշրջան

25 Հունվարի 2022, 15:59
 Դրական լուրեր ենք ստանում Հայաստանից. Ալիևը` «Զանգեզուրի միջանցքի» մասին

Շատ ուրախ եմ, որ ձեր այցն Ադրբեջան սկսվեց «ազատագրված» հողերից։ Երեկ դուք Իրանից թռաք Ֆիզուլի, այցելեցիք և՛ Ֆիզուլի, և՛ Զանգելան։ Մենք իսկապես գնահատում ենք դա․ հայտարարել է Ադրբեջանի նախագահ Իլհամ Ալիևը Իրանի ճանապարհների և քաղաքաշինության նախարար, Տնտեսական համագործակցության ադրբեջանա-իրանական միջկառավարական հանձնաժողովի համանախագահ Ռոստամ Ղասեմիի գլխավորած պատվիրակության հետ հեռավար հանդիպման ժամանակ. հաղորդում է AzerTAc-ը:

Հիշեցնենք, որ իրանցի նախարարը որոշել էր Ադրբեջան իր այցելությունը սկսել Արցախից օկուպացված տարածքներից:

«Պատերազմից հետո տարածաշրջանային համագործակցության հիանալի հնարավորություններ ի հայտ եկան: Պատերազմից հետո իրանա-ադրբեջանական հարաբերություններն այս ուղղությամբ էլ ավելի ընդլայնվեցին։ Այժմ ստեղծվել է շատ խոստումնալից 3+3 համագործակցության հարթակ՝ տարածաշրջանային համագործակցությունը զարգացնելու համար։ Առաջին հանդիպումն արդեն կայացել է։ Վստահ եմ, որ այդ հանդիպումները կանցկացվեն կանոնավոր կերպով և կապահովեն տարածաշրջանի երկրների շահերը։

Երեկ դուք նույնպես ծանոթացաք Զանգեզուրի միջանցքի ստեղծման ուղղությամբ տարվող աշխատանքներին։ Հաջողությամբ կառուցվում են ճանապարհներ և երկաթուղիներ։ Մենք դրական լուր ենք ստանում. Հայաստանն իր հերթին նույնպես նախատեսում է սկսել աշխատանքները։ Մի խոսքով՝ ես հույս ունեմ, որ հետպատերազմյան շրջանը նոր հնարավորություններ կբացի ողջ տարածաշրջանի համար։ Իհարկե, շատ կարևոր է նաև Իրանի Իսլամական Հանրապետության ներդրումն այս գործում», - ասել է Ադրբեջանի նախագահը:

Հիշեցնենք, որ Ադրբեջանն այսօր հայտնել էր, որ ավարտել է «Զանգեզուրի միջանցքի» շինարարության 90 տոկոսը, որը սկսվել էր 2020 թ. դեկտեմբերից:


Այս բաժնի այլ նորությունները
Ամենաշատ ընթերցվածները
Yandex.Metrica