close
Եղանակը Երևանում
29 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
29 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վահրամ Դումանյանը ներկա է եղել Անրի Վերնոյի 100-ամյակին նվիրված հոբելյանական համերգին

Մշակույթ

6 Դեկտեմբերի 2021, 16:34
 Վահրամ Դումանյանը ներկա է եղել Անրի Վերնոյի 100-ամյակին նվիրված հոբելյանական համերգին

ՀՀ ԿԳՄՍ նախարարության աջակցությամբ ֆրանսահայ հայտնի կինոռեժիսոր Անրի Վերնոյի 100-ամյակին նվիրված միջոցառումների շրջանակում «Արամ Խաչատրյան» համերգասրահում տեղի է ունեցել հոբելյանական համերգ, որին ներկա էր ՀՀ ԿԳՄՍ նախարար Վահրամ Դումանյանը:

ԿԳՄՍՆ-ից հայտնում են, որ բացման խոսքում Վահրամ Դումանյանը կարևորել է հայ ազգի մեծանուն զավակ Անրի Վերնոյի նշանակալից վաստակն ու ժառանգությունը ֆրանսիական կինոյի պատմության մեջ, ինչպես նաև Հայոց ցեղասպանության հանրահռչակմանն ու դատապարտմանն ուղղված նրա անգնահատելի ջանքերը: Ողջունելով հայ և ֆրանսիացի բարձրաստիճան հյուրերին՝ Վահրամ Դումանյանը գոհունակություն է հայտնել Անրի Վերնոյի ընտանիքի անդամներին՝ հյուրընկալելու հնարավորության համար:

Համերգին ներկա էին Վերնոյի որդին՝ կինոռեժիսոր, սցենարիստ, դերասան Պատրիկ Մալաքյանը, և «Մայրիկ» ֆիլմում Աբգարի դերակատար Ժակի Ներսիսյանը:

Համերգի ընթացքում Հայաստանի ազգային ֆիլհարմոնիկ նվագախմբի կատարմամբ հնչել է Անրի Վերնոյի ֆիլմերի երաժշտությունը (գեղարվեստական ղեկավար և գլխավոր դիրիժոր` Էդուարդ Թոփչյան): Հնչել է ‹‹Դլե յաման›› երգը, որի մենանվագով հանդես է եկել մարսելաբնակ դուդուկահար Լևոն Մինասյանը: Նրա կատարմամբ այդ ստեղծագործությունը հնչել է Վերնոյի հայտնի ‹‹Մայրիկ›› ֆիլմում:

Սիրված երգիչներ Իլոնա Սագևայի, Ջուլիանա Գրիգորյանի և Հայկ Պետրոսյանի կատարմամբ հնչել են նաև Վերնոյի ժամանակակիցների՝ Շառլ Ազնավուրի և Միշել Լեգրանի ստեղծագործություններից:

Միջոցառման նպատակն էր հարգանքի տուրք մատուցել ֆրանսահայ հայտնի կինոռեժիսորի հիշատակին, ներկայացնել Վերնոյի ստեղծագործական ժառանգությունը, արժևորել նրա տեղն ու դերը համաշխարհային կինոարվեստում և բացահայտել ազգային ինքնության առանձնահատկությունը:

Միջոցառման կազմակերպիչներն են Հայաստանի ազգային կինոկենտրոնը և Հայաստանի ազգային ֆիլհարմոնիկ նվագախումբը:

Նշենք, որ ֆրանսահայ հայտնի կինոռեժիսոր Անրի Վերնոյի 100-ամյակն ընդգրկված է ՅՈՒՆԵՍԿՕ-ի՝ Հռչակավոր մարդկանց և կարևոր իրադարձությունների 2020-2021 թթ. օրացույցում:

 

Այս բաժնի այլ նորությունները
Ամենաշատ ընթերցվածները
Yandex.Metrica