close
Եղանակը Երևանում
28 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
28 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Օգնում ենք ստանալ բոլոր փաստական հիմքերը, որոնք անհրաժեշտ են դատերն առաջ տանելու համար․ Արցախի ՄԻՊ

Քաղաքական

5 Դեկտեմբերի 2021, 15:54
 ՏԵՍԱՆՅՈՒԹ․ Օգնում ենք ստանալ բոլոր փաստական հիմքերը, որոնք անհրաժեշտ են դատերն առաջ տանելու համար․ Արցախի ՄԻՊ

Արցախում նստած շատ դժվար է շոշափել արտասահմանում գտնվողների տրամադրությունները, այդ պատճառով շատ լավ կլիներ, որ հետադարձ կապ ունենայինք օնլայն քննարկումների կամ ուղղակի հաղորդակցության տեսքով՝ ըստ Yerkir.am-ի ասաց Արցախի Մարդու իրավունքների պաշտպան Գեղամ Ստեփանյանը, որը Ստեփանակերտում մասնակցում է ՀՅԴ Հայ դատի գրասենյակների և հանձնախմբերի խորհրդաժողովին:

«Քանի որ մենք գտնվում ենք հենց տեղում և ունենք այդ կարողությունը, մեր կողմից հավաքագրվում են կոնկրետ հայցի հետ կապված բոլոր ապացույցները, հավաքագրվում է այն ամենը, ինչ անհրաժեշտ է դատարաններ ներկայացնելու համար։ Գերությունից վերադարձած, խոշտանգումների ենթարկված՝ մենք գտնում ենք մարդիկ, ում հայցը պետք է ներակայացվի և օգնում ենք ստանալու բոլոր այն փաստական հիմքերը, որոնք անհրաժեշտ են մեր հայրենակիցներին այդ դատերը առաջ տանելու համար»,-ասաց Արցախի ՄԻՊ-ը։

Առանձին հայցեր ներկայացնելու և դատարան դիմելու իրավասություն իրենք չունեն։

Նշենք, որ ՀՅԴ Հայ դատի հանձնախմբերի և գրասենյակների անդամները Երևանում, Գորիսում և Ստեփանակերտում մասնակցում են 5-օրյա խորհրդաժողովի։ Հայ դատն աշխարհով մեկ առաջ տանող գործիչները խորհրդաժողովի 3 հանգրվաններում խիստ հագեցած օրակարգով զեկույցներով հանդես եկան, ներկայացրին ստեղծված մարտահրավերներին դիմակայելու իրենց առաջարկները, հանդիպեցին պետական առանցքային պաշտոնյաների հետ՝ առաջին ձեռքից տեղեկանալու խնդիրներին և հստակեցնելու իրենց անելիքը։

Աննա Բալյան

Մանրամասն՝ տեսանյութում․

Այս բաժնի այլ նորությունները
Ամենաշատ ընթերցվածները
Yandex.Metrica