close
Եղանակը Երևանում
29 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
29 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իրակլի Ղարիբաշվիլին մինչև տարեվերջ կլքի Վրաստանի վարչապետի պաշտոնը. ԶԼՄ-ներ

Տարածաշրջան

29 Նոյեմբերի 2021, 12:05
 Իրակլի Ղարիբաշվիլին մինչև տարեվերջ կլքի Վրաստանի վարչապետի պաշտոնը. ԶԼՄ-ներ

Իրակլի Ղարիբաշվիլին մինչև տարեվերջ կլքի Վրաստանի վարչապետի պաշտոնը. հայտնում է Formula հեռուստաալիքը՝ հղում անելով իր աղբյուրներին։

Ղարիբաշվիլին դեկտեմբերին կհայտարարի հրաժարականի մասին, և նրա՝ հրաժեշտի խոսքն արդեն գրված է։ Formula-ի համաձայն՝ պաշտոնյան իր ուղերձում կհայտարարի, որ կառավարության ղեկավարի պաշտոնում իր առաքելությունն ավարտված է, Վրաստանի երրորդ նախագահ Միխեիլ Սահակաշվիլին ձերբակալվել է, և երկրին այլևս ապակայունացում չի սպառնում։

Լրագրողները կարծում են, որ դատական նիստի արձանագրությունների վերջին արտահոսքը, որտեղ իշխող «Վրացական երազանք» կուսակցության հիմնադիր, միլիարդատեր Բիձինա Իվանիշվիլին խոսում է ֆինանսատնտեսական ոլորտում Ղարիբաշվիլիի ոչ կոմպետենտության մասին, պատահական չէր։ Նույն տեսանյութում, որպես միլիարդատիրոջ քարտուղար, նշվում է Վրաստանի ներկայիս վարչապետը։

Հաստատելով իրենց վարկածը՝ պատմության հեղինակները հիշեցնում են նաև, որ դեկտեմբերին կայանալիք Ժողովրդավարության գագաթնաժողովում Վրաստանը կներկայացնի ոչ թե վարչապետը, այլ նախագահ Սալոմե Զուրաբիշվիլին. հաղորդում է «Նովոստի-Գռուզիան»։

Ինքը՝ Ղարիբաշվիլին, հրաժարվել է մեկնաբանել իր մոտալուտ հեռանալու մասին լուրերը: Նա չի պատասխանել նաեւ Իվանիշվիլիի հայտարարություններին վերաբերող հարցերին։ Վրաստանի խորհրդարանի որոշ պատգամավորներ իշխող կուսակցությունից սուտ են անվանել վարչապետի հրաժարականի մասին լուրերը, իսկ մյուսներն ասել են, որ նման տեղեկություններ չունեն։

Formula-ի համաձայն՝ Ղարիբաշվիլիին փոխարինելու համար ընտրվել է երկու թեկնածու։ Նրանցից մեկը տարածաշրջանային զարգացման և ենթակառուցվածքների 44-ամյա նախարար Իրակլի Կարսելաձեն է, ով, ինչպես կաբինետի մի քանի անդամներ, եղել է Իվանիշվիլիի Kartu ընկերության նախկին աշխատակիցը։ Վրաստանի վարչապետի պաշտոնը, ըստ պատմության հեղինակների, կարող է զբաղեցնել նաև Վրաստանի խորհրդարանի նախագահ Կախա Կուչավան, ով արևմտամետ քաղաքական գործչի կերպար է վաստակել։

Այս բաժնի այլ նորությունները
Ամենաշատ ընթերցվածները
Yandex.Metrica