close
Եղանակը Երևանում
3 Դեկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
3 Դեկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իմ ձեռքի տակ կան փաստեր, որոնք ճակատագրական ազդեցություն կարող են ունենալ Վլադիմիր Կարապետյանի կամ Նիկոլ Փաշինյանի վրա. Նաիրի Հոխիկյան

Հասարակություն

27 Հոկտեմբերի 2021, 23:16
 Իմ ձեռքի տակ կան փաստեր, որոնք ճակատագրական ազդեցություն կարող են ունենալ Վլադիմիր Կարապետյանի կամ Նիկոլ Փաշինյանի վրա. Նաիրի Հոխիկյան

Մեդիափորձագետ, լրագրող Նաիրի Հոխիկյանի հեռախոսը, որը հուլիսի 29-ից գտնվում է ԱԱԾ-ում, ԱԱԾ-ն դեռ չի վերադարձրել:

«ԱԱԾ-ն դեռ շարունակում է իմ նկատմամբ պատվիրված հիբրիդային ճնշումները, բայց դե հասկանում եք, որ ազդեցություն չի կարող թողնել: Ամենայն հարգանքով այդ կառույցի նկատմամբ՝ որպես երկրի անվտանգային համակարգի, այնուամենայնիվ, իրենք շատ սխալ ուղղության վրա են. հեռախոսը պահում են՝ փորձ անելով հասկացնել, որ իրենք ամեն ինչ կարող են: Թեպետ, երբ հեռախոսը առգրավում էին վկայից, ինչը օրենքի բացահայտ խախտում էր, տվյալ դեպքում քննիչը՝ Գևորգ Խալաթյանը, խոստացավ երեք օր հետո հեռախոսը վերադարձնել: Հուլիսի 29-ից անցել է գրեթե 3 ամիս, բայց այդ տղամարդավարի խոսքը դեռ կյանքի չի կոչվել»,- 168TV-ի «Ռեվյու» հաղորդման ընթացքում ասաց նա:

Նրա խոսքով՝ ԱԱԾ-ն փնտրում էր Լապշինի հետ իր խոսակցության ապացույցները, ինչը, Հոխիկյանի խոսքով՝ ընդամենը 3 րոպեում կարելի էր անել. «Գուցե փնտրում են ինչ-որ բան, որը կարող է իմ վրա ճնշման միջոց լինել, գուցե փորձում են սադրել կամ շանտաժի ենթարկել, բայց քանի որ արդեն երեք ամիս է՝ ոչինչ չեն գտել և չէին էլ կարող գտնել, գուցե այնտեղ պետք է ինչ-որ մի բան հայտնվի, որ հետո ներկայացվի: Համենայնդեպս, թող պահեն՝ ինչքան ուզում են, բայց քանի որ այդ գործողությունն անօրինական է, ես դատի եմ տալիս ԱԱԾ-ին»:

Նիկոլ Փաշինյանի մամուլի նախկին խոսնակ, ներկայումս Ուկրաինայում ՀՀ դեսպան Վլադիմիր Կարապետյանը դատի է տվել Նաիրի Հոխիկյանին:

«Գիտե՞ք՝ հետաքրքիր է. Վլադիմիր Կարապետյանի ներկայացրած դատական հայցում չի հերքվում Լապշինի ասածները, հերքվում է իմ ասածը, որ ես լսել եմ Վլադիմիր Կարապետյանի խոսքի փոքր հատվածը, որտեղ ասում է՝ եթե մի քանի հազար զոհ տան՝ լավ էլ կտան: Ես, իհարկե, ամբողջական խոսակցությունը չեմ լսել, պատառիկ եմ լսել, բայց նույն բանը Լապշինն է ասել: Հիմա ինքը չի հերքում Լապշինին, հերքում է ինձ: Այդ տրամաբանությամբ դատարանում պետք է տրամաբանական ներկայացնի, թե ո՞նց է, որ Լապշինին չի հերքում նույն նախադասության համար, այլ հերքում է ինձ: Իհարկե, ես դատարանում նաև այնպիսի փաստեր եմ ներկայացնելու, որոնք նույն Վլադիմիր Կարապետյանի, առնվազն, դիվանագիտական գործունեության վրա խաչ կքաշեն: Հիմա կարող եք ինձ հարցնել՝ ինչո՞ւ մինչև հիմա չես ասել: Մենք լրագրողներ ենք և հասկանում ենք, որ միշտ պետք է ձեռքին ունենալ տեղեկատվական խաղաթուղթ, երբ դու ամեն ինչ ասում ես՝ դու քեզ զրկում ես պաշտպանությունից: Իմ ձեռքի տակ կան փաստեր, որոնք, իհարկե, ճակատագրական ազդեցություն չեն կարող ունենալ հայ ժողովրդի, հայոց պետականության վրա, բայց ճակատագրական ազդեցություն կարող են ունենալ Վլադիմիր Կարապետյանի կամ Նիկոլ Փաշինյանի վրա»:

Ճշտմանը՝ այսինքն՝ սենսացիոն բացահայտումնե՞ր են սպասվում, նա պատասխանեց. «Այո, եթե իրենք շարունակեն հերքել»:

Հարցին՝ եթե Նիկոլ Փաշինյանի ճակատագրի վրա ազդեցություն կունենա այդ ինֆորմացիան, ինչո՞ւ չի հրապարակում, չէ՞ որ այս պահին Փաշինյանն է հայ ժողովրդի ճակատագիրը որոշում, նա պատասխանեց.

«Ես ասել եմ այնքան, ինչքան գիտեմ: Հիմա, հիմնական ինֆորմացիան ավելի շատ վերաբերում է Վլադիմիր Կարապետյանին: Ինչ վերաբերում է Նիկոլ Փաշինյանին, ապա այն, ինչ ես գիտեի, այն, ինչ լսել եմ, խոսել եմ, պատերազմից առաջ ում հետ եմ հանդիպել, այդ թվում՝ ԱԳՆ-ում, այդ թվում՝ նախագահականում, այդ թվում՝ վարչապետի հետ՝ 2020թ. մարտի 5-ին, երբ հանդիպել և խնդրել եմ, որ օր առաջ այդ արբանյակի հարցը լուծեն, որովհետև վաղը չէ մյուս օրը պատերազմ է սկսվելու, և շատ հստակ միջնորդավորված՝ օգնականների միջոցով և այլն, ինձ փորձել են լռեցնել՝ ինչ որ բաներ առաջարկելով… պարզ է, որ չեմ լռել, շարունակել եմ: Հասկանո՞ւմ եք՝ հիմա հարցեր են տալիս, որ՝ բա, եթե դու գիտեիր, որ այդպիսի բան է, ինչո՞ւ պատերազմից առաջ չէիր ասում: Պատերազմից առաջ ասել՝ գիտե՞ք ինչ՝ Նիկոլ Փաշինյանը գործարքի է գնացել Ադրբեջանի և Թուրքիայի հետ, և, օրինակ՝ վաճառելու է Քարվաճառը, Քաշաթաղը, Շուշին, Արաքսի հովիտը, դա իմ կողմից կնշանակեր տորպեդահարել հայոց պետականության հիմքերը: Այսինքն՝ մարդկանց դրդել դասալքության, մարդկանց դրդել՝ չկռվել: Ես այդպիսի բան չէի կարող անել:

Ես ինքս պատերազմի ժամանակ գնացի կամավորական ծառայության՝ շատ լավ իմանալով, որ կա այսպիսի վտանգ, բայց մենք բոլորս մահկանացուներ ենք, միշտ վերջին հույսը ունենք, որ գուցե այդպես չէ, գուցե սխալվում եմ, գուցե սխալ եմ լսել, գուցե Լապշինն է սխալ լսել, գուցե այդ տղան ստում է, բայց երբ ինքդ ես նաև Արցախում պատերազմի ժամանակ սեփական աչքով տեսնում՝ ինչ է կատարվում, և գալիս ես, պատերազմից հետո Երևանում քեզ հանդիպման են հրավիրում Նիկոլ Փաշինյանին աջակցող օլիգարխներ և բացում են փակագծերը, պատմում են՝ ինչ են արել իրենք պատերազմից առաջ, և քեզ առաջարկում են իրենց հետ աշխատել, հասկանում ես, որ չէ, չեմ սխալվել»:

Մանրամասները՝ 168TV-ի տեսանյութում

Այս բաժնի այլ նորությունները
Ամենաշատ ընթերցվածները
Yandex.Metrica