close
Եղանակը Երևանում
8 Դեկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
8 Դեկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքը Վարանդայում օդանավակայան է բացում, ներքին թուրքն էլ ԱԺ ամբիոնից հեռացնում է «Արցախն ուրացողը դավաճան է» բացականչող պատգամավորին

Քաղաքական

26 Հոկտեմբերի 2021, 15:23
 Թուրքը Վարանդայում օդանավակայան է բացում, ներքին թուրքն էլ ԱԺ ամբիոնից հեռացնում է «Արցախն ուրացողը դավաճան է» բացականչող պատգամավորին

Այսօր` հոկտեմբերի 26-ին, Արցախից օկուպացված Վարանդայի շրջանում Հայաստանի թշնամի երկու պետությունների` Թուրքիայի և Ադրբեջանի ղեկավարները` Թայիփ Էրդողանն ու Իլհամ Ալիևը, պաշտոնապես բացեցին «Ֆիզուլիի օդանավակայանը»:

Դրանից հետո նրանք մեկնելու են օկուպացված Կովսական, որտեղ կատարելու են «Խելացի ագրոպարկ» նախագծի հիմնարկեքի արարողությունը. նախագիծը ֆինանսավորվում է Թուրքիայի կողմից: Հետո նրանք կտան Ահմեթբեյլի-Հորադիզ-Միջնավան-Աղբենդ-Ահմեթբեյլի- Վարանդա-Շուշի ավտոմայրուղու շինարարության մեկնարկը:

Զուգահեռ իրականությունում` Հայաստանում, Արցախի վերոնշյալ շրջանների կորստի պատճառ դարձած ՀՀ ապաշնորհ իշխանությունները, ներքին թուրքի պես, ԱԺ-ում հարձակվում են «Արցախն ուրացողը դավաճան է» բացականչող պատգամավորի վրա: 

«Հայաստան խմբակցության պատգամավոր Գեղամ Մանուկյանը, անդրադառնալով ՔՊ պատգամավոր Վիգեն Խաչատրյանի` օրեր առաջ արած այն հայտարարությանը, թե՝ «Հայաստանն առանց Արցախ ապագա չունի» թեզը շատ վտանգավոր է Հայաստանի համար, հայտարարեց, որ ով ուրանում է Արցախը, նա դավաճան է:

Գեղամ Մանուկյանի այս հայտարարությունից իրեն վատ զգացած ԱԺ փոխնախագահ Ռուբեն Ռուբինյանը ԱԺ դահլիճ հրավիրեց ԱԱԾ-ականներին և հրամայեց ամբիոնից հեռացնել Մանուկյանին:

Փաստացի, այս իշխանությունների պատճառով և օրոք Արցախի օկուպացված հողերում թշնամին օդանավակայաններ և ճանապարհներ է կառուցում, իսկ Հայաստանի ներսում բռնություն է իրականացնում Արցախն ուրացողներին դավաճան ասող քաղաքական գործչի նկատմամբ:


Այս բաժնի այլ նորությունները
Ամենաշատ ընթերցվածները
Yandex.Metrica