close
Եղանակը Երևանում
20 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
20 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱԺ «Հայաստան» խմբակցության անդամներն ընդունել են բարոնուհի Քերոլայն Քոքսի ղեկավարած պատվիրակությանը

Հասարակություն

16 Սեպտեմբերի 2021, 21:39
 ԱԺ «Հայաստան» խմբակցության անդամներն ընդունել են բարոնուհի Քերոլայն Քոքսի ղեկավարած պատվիրակությանը

Այսօր՝ սեպտեմբերի 16-ին, Ազգային ժողովում «Հայաստան» խմբակցությունը հյուրընկալել է Միացյալ Թագավորության Լորդերի Պալատի անդամ բարոնուհի Քերոլայն Քոքսի ղեկավարած պատվիրակությանը։ Այս մասին ասված է խմբակցության տարածած հայտարարությունում:

«Պատվիրակության անդամները Հայաստան են այցելել՝ ծանոթանալու տիրող իրավիճակին, ինչպես նաև՝ Հայաստանի հասարակական ու քաղաքական շրջանակների հետ քննարկելու միջազգային հարթակներում Հայաստանին անհրաժեշտ աջակցության հարցեր: Պատվիրակությունը նախորդ օրն, ի դեպ, այցելել էր Սյունիքի մարզ:

Ողջունելով հյուրերին, «Հայաստան» խմբակցության ղեկավար Սեյրան Օհանյանը բարձր գնահատեց բարոնուհի Քոքսի անշահախնդիր բարեկամությունն ու հայ ժողովրդին ցուցաբերած անգնահատելի աջակցությունը։

Հանդիպման ընթացքում կողմերը քննարկել են Հայաստանի և Արցախի Հանրապետությունում հետպատերազմյան շրջանում տիրող քաղաքական և սոցիալ-տնտեսական իրավիճակը և հայկական երկու պետությունների առջև ծառացած մարտահրավերներն ու օժանդակության կարիքները: Խմբակցության անդամները խնդրել են բարոնուհուն և իր գործընկերներին ճնշում բանեցնել Ադրբեջանի վրա՝ հայ ռազմագերիներին օր առաջ և առանց որևէ նախապայմանի տուն վերադարձնելու հարցում, ինչպես նաև կանխելու Արցախի գրավյալ տարածքներում հայկական հոգևոր և պատմա-մշակութային ժառանգության ոչնչացումը: Պատգամավորները նաև խնդրել են հյուրերին միջազգային հարթակներում բարձրաձայնել ադրբեջանա-թուրքական հրոսակների կողմից 44-օրյա պատերազմի ընթացքում գործած ռազմական հանցագործությունների մասին:

Կողմերը պայմանավորվել են շարունակել և խորացնել համագործակցությունը»,- ասված է հաղորդագրությունում:

Արմաշում շչակ է գործարկվելու
20 Հոկտեմբերի 2021, 13:25 Արմաշում շչակ է գործարկվելու

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica