close
Եղանակը Երևանում
27 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
27 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռազմագերիների հարցը մեր պետության միջազգային արժանապատվության հիմնահարց է․ Գեւորգ Դանիելյան

Քաղաքական

31 Հուլիսի 2021, 08:20
 Ռազմագերիների հարցը մեր պետության միջազգային արժանապատվության հիմնահարց է․ Գեւորգ Դանիելյան

Ռազմագերիների հարցը միայն իրենց անձնական կամ նրանց ազգականների հարցը չէ, այն վաղուց արդեն միայն հումանիտար խնդիր էլ չէ, այն առավելապես մեր պետության միջազգային արժանապատվության, իսկ հետագայում նաեւ պատասխանատվության լրջագույն հիմնահարց է։ Այս մասին ֆեյսբուքյան իր էջում գրել է արդարադատության նախկին նախարար Գեւորգ Դանիելյանը։

Նա, մասնավորապես, գրել է․ «Այդ շինծու դատավարությունները թուրքը հետագայում ցանկացածի աչքն է կոխելու՝ որպես Հայաստանի ագրեսիան իբր դատական կարգով ապացուցված փաստի։

Եթե անգամ հնարավոր չէր բոլոր տեսակի բանակցությունները սառեցնել՝ ռազմագերիներին ազատ արձակելու առանցքային պայմանով, եթե անգամ հնարավոր չէր աննախադեպ մեծ քանակով ռազմագերիների կեղծ դատավարություններում հայրենական փաստաբաններ ներգրավելը, ապա առնվազն հարկ էր (հիմա էլ ուշացած, բայց դեռ կարելի է) վարձել օտարերկրյա փաստաբաններ, որպեսզի այդ մարդիկ զգային ու զգան սեփական պետության կողմից տարրական պաշտպանության եւ առնվազն ուշադրության նշույլ, որպեսզի շուտափույթ բողոքարկվեն՝ այդ դատավճիռ կոչվածները, որպեսզի հնարավորինս արագ ՄԻԵԴ՝ արժանահավատ հիմքերով գանգատներ ներկայացվեն։

Դիտորդի անհաղորդ, անգլխացավանք եւ սոսկ դատարկ արդարացումներ մոգոնելու դերն ստանձնելը չի կարող կործանարար չլինել։ Սա այն եզակի հարցերից է, որը հուսալի լուծելու համար այլեւս բավ է «սեւ» ու «սպիտակ», «նախկին» ու «ներկա», քրեական օրենքով հայհոյանքից իբր ապահովագրվելու վտանգավոր խաղերով տարվելը, ժամանակը չի սպասում, ախր տեսնում ենք իբր թարմացված «ներկա նախկիններին»։

Ռազմագերիները միայն խղճահարության թիրախ չեն, եւ էական էլ չէ, ներողամի՞տ են նրանց ծնողները, «ըմբռնումո՞վ են» մոտենում եղելությանը, նրանց ուղղակի հավուր պատշաճի պաշտպանել է պետք, ինչն անհնարին չէ»։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica