close
Եղանակը Երևանում
27 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
27 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Պատրաստվում ենք քննարկել սահմանին ռուս սահմանապահների հենակետեր տեղադրելու հարցը. Փաշինյան

Քաղաքական

29 Հուլիսի 2021, 17:52
 Պատրաստվում ենք քննարկել սահմանին ռուս սահմանապահների հենակետեր տեղադրելու հարցը. Փաշինյան

Նիկոլ Փաշինյանի խոսքով` հայ–ադրբեջանական սահմանի ողջ երկայնքով ռուս սահմանապահների հենակետերի տեղակայումը հնարավորություն կտա առանց բախումների ռիսկի իրականացնելու սահմանազատումը։

«Ստեղծված իրավիճակը հաշվի առնելով` իմաստ ունի դիտարկել հայ-ադրբեջանական սահմանի ողջ երկայնքով ռուս սահմանապահների հենակետերի տեղակայման հարցը։ Հայ-ադրբեջանական սահմանի ողջ երկայնքով ռուս սահմանապահների հենակետերի տեղակայումը հնարավորություն կտա սահմանազատման աշխատանքներն իրականացնել առանց ռազմական բախումների ռիսկի»,– ասաց Փաշինյանը։

Նրա խոսքով` այս թեման պատրաստվում են քննարկել ռուս գործընկերների հետ։

Անդրադառնալով կոմունիկացիաների թեմային` Փաշինյանը նշեց, որ Ադրբեջանը հետևողական գործողություններ է իրականացնում տարածաշրջանային կոմունիկացիաների բացման թեման վարկաբեկելու համար։ Նա հիշեցրեց, որ նոյեմբերի 9-ի հայտարարության մեջ որևէ կերպ չկա «միջանցք» արտահայտությունը, չեն ընդգծվում կոնկրետ երթուղիներ, ուստի ևս մեկ անգամ շեշտեց` Հայաստանը չի՛ քննարկել, չի՛ քննարկում և չի՛ քննարկելու միջանցքային տրամաբանության ոչ մի թեմա։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica