close
Եղանակը Երևանում
27 Սեպտեմբերի 2021
+16°
+27°Ցերեկ
+15°Գիշեր
weather
close
Փոխարժեք
27 Սեպ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԻՄ ընտրությունները թեժ են լինելու. ուզում են նորից օգտագործել «պողպատյա մանդատի» բլեֆը. «Փաստ»

Մամուլի տեսություն

24 Հուլիսի 2021, 08:47
 ՏԻՄ ընտրությունները թեժ են լինելու. ուզում են նորից օգտագործել «պողպատյա մանդատի» բլեֆը. «Փաստ»

«Փաստ» օրաթերթը գրում է. «Աշնանը Հայաստանում սպասվում են ՏԻՄ ընտրություններ։ ԿԸՀ որոշմամբ, դրանք նախատեսված սեպտեմբերի 26-ի և հոկտեմբերի 17-ի փոխարեն կկայանան, համապա-տասխանաբար, հոկտեմբերի 17-ին և նոյեմբերի 14-ին: Հիմա արդեն քաղաքական ուժերն սկսել են պատրաստվել այդ ընտրություններին:

«Փաստ» թերթի տեղեկություններով, դրանց առանձնահատուկ ոգևորվածությամբ պատրաստվում են հատկապես իշխանությունները։ Ավելին, նրանք հույս ունեն ՏԻՄ ընտրություններում հերթական անգամ օգտագործել «պողպատյա մանդատի» բլեֆը և հաջողության հասնել։ Իշխանություններն իրենց գործը թեթևացնելու համար նպատակ ունեն մինչև աշուն հնարավորինս շատ համայնքներում հասնել գործող համայնքապետների պաշտոնանկության և սեփական թիմի ներկայացուցիչներին նշանակել։

Մեր աղբյուրների փոխանցմամբ, սակայն, իշխանությունը բավականին մեծ անհանգստություն ունի, քանի որ նրանք, ովքեր ընտրական գործընթացներում «վիզ են դրել» իրենց համար, երիտասարդ են, չունեն համապատասխան փորձ ու գիտելիք։ Չնայած այն հանգամանքին, որ իշխանության տարբեր ներկայացուցիչներ նախընտրական շրջանում խոսք են տվել իրենց աջակիցներին՝ «նրանց համար անել ամեն ինչ», սակայն ներկայումս գիտակցում են, որ նման թույլ կադրերով ընտրության գնալը կատարյալ ձախողում է, և իրենց կադրերն ուղղակի չեն «ձգելու»։

Ավելին, մենք տեղեկություն ունենք, որ ընդդիմադիր հիմնական ուժերը տրամադրված են ակտիվ մասնակցել ՏԻՄ ընտրություններին, ինչի համար իրենց ներուժը կենտրոնացրել են և տեղերում լուրջ ֆիգուրներ են պատրաստվում առաջադրել»:

Առավել մանրամասն՝ թերթի այսօրվա համարում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica