close
Եղանակը Երևանում
30 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
30 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ֆրանսիան աջակցություն է հայտնել Կիպրոսին Վարոշայի կարգավիճակի վերաբերյալ Էրդողանի հայտարարությունից հետո

Աշխարհ

21 Հուլիսի 2021, 17:00
 Ֆրանսիան աջակցություն է հայտնել Կիպրոսին Վարոշայի կարգավիճակի վերաբերյալ Էրդողանի հայտարարությունից հետո

Ֆրանսիան աջակցություն է հայտնել Կիպրոսին այն բանից հետո, երբ Թուրքիայի նախագահ Ռեջեփ Թայիփ Էրդողանը հայտարարեց Կիպրոսի բուֆերային գոտում գտնվող Ֆամագուստայի առողջարանային գոտի Վարոշայի կարգավիճակը փոխելու մասին. ասվում է ֆրանսիական ԱԳՆ–ի հայտարարության մեջ։

«Ֆրանսիայի արտաքին գործերի նախարար Ժան-Իվ Լե Դրիանը երեքշաբթի իր աջակցությունը հայտնեց կիպրացի գործընկեր Նիկոս Քրիստոդուլիդեսին Թուրքիայի նախագահի հայտարարություններից հետո»,- ասվում է հայտարարության մեջ:

Արտաքին գործերի նախարարությունը հայտնել է, որ Ֆրանսիան խորապես ափսոսում է այդ միակողմանի և չհամաձայնեցված քայլի համար, որը «սադրանք է և խաթարում է վստահության վերականգնման գործընթացը»: Գերատեսչությունը կոչ է անում լիովին համապատասխանել ՄԱԿ-ի Անվտանգության խորհրդի 550 և 789 բանաձևերին:

«Ֆրանսիան վերահաստատում է իր հավատարմությունը ՄԱԿ-ի Անվտանգության խորհրդի կողմից հաստատված շրջանակին և հիմնված է երկու գոտիների ու երկու համայնքների գոյության սկզբունքի վրա»,- ավելացրել է Ֆրանսիայի ԱԳՆ-ն:

Հիշեցնենք, որ Թուրքիայի նախագահ Թայիփ Էրդողանը հայտարարել էր Կիպրոսում Վարոշայի բացման մասին: Սա զբոսաշրջային թաղամաս է Ֆամագուստայում (Կիպրոսի հարավարևելյան ափ), որը հանրության համար փակ է 1974 թվականից ի վեր՝ թուրքական զորքերի կողմից Կիպրոսի մի մասի գրավումից և կղզու մասնատումից հետո: Վարոշան պաշտպանված է ՄԱԿ-ի Անվտանգության խորհրդի 1984 թ.բանաձևով։

Մոսկվան ևս անընդունելի է համարել Թուրքիայի գործողությունները, իսկ Հունաստանը հայտարարել է Անկարայի կողմից սադրանքի մասին: Նմանատիպ հայտարարությամբ են հանդես եկել նաև ԵՄ-ն, ԱՄՆ-ը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica