close
Եղանակը Երևանում
30 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
30 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՀՅԴ երիտասարդական միություններն Արցախի պատանիների կողքին են

Քաղաքական

21 Հուլիսի 2021, 12:47
 ՀՅԴ երիտասարդական միություններն Արցախի պատանիների կողքին են

ՀՅԴ Արցախի երիտասարդական միությունը ՀՅԴ աշխարհասփյուռ երիտասարդական միությունների աջակցությամբ շարունակում է պատանեկան ճամբարների կազմակերպումն Արցախում:

2-րդ փուլով Մարտունիում նախաձեռնվել է ճամբար, որին մասնակցել է շուրջ 60 պատանի:

ՀՅԴ Արցախի երիտասարդական միության Կենտրոնական վարչության անդամ Թագուհի Խաչատրյանը «Ապառաժ»-ի հետ զրույցում նշեց, որ պատերազմից հետո հատկապես Մարտունիում սա լավ հնարավորություն էր պատանիների համար, որպեսզի հետաքրքիր ձևով անցկացնեն իրենց ամառային արձակուրդները:

«Քանի որ ամռան օրերին երեխաները հիմնականում չունեն ժամանցի համար վայրեր, մենք որոշեցինք ապահովել նրանց հետաքրքիր և դաստիարակչական ժամանցով»,-ասում է Թագուհի Խաչատրյանը:

Նրա խոսքով՝ այս պատանեկան ծրագրին ընդգրկվել են այն երեխաները, ովքեր դեռ նախորդ  ճամբարից էին ցանկություն հայտնել մասնակցելու նմանատիպ ծրագրերի:

«Մեր վարիչների շնորհիվ նրանց օրը հագեցված է անցնում տարաբնույթ սպորտային և ինտելեկտուալ խաղերով, մրցույթներով: Պատանիները ծանոթանում են նաև Հայոց պատմության ուշագրավ դրվագներին, սովորում են ազգային երգ ու պար»,-նշում է Թագուհի Խաչատրյանը։

Ըստ նրա՝ ՀՅԴ Արցախի երիտասարդական միությունը բազմիցս հայտարարել է, որ հետպատերազմյան շրջանում զբաղվելու է Արցախցի փոքրիկների ժամանցային և դաստիարակչական ծրագրերի կազմակերպմամբ:

«Այս ծրագիրը շարունակությունն է այն ճամբարների, որոնք մեր ջանքերով արդեն իսկ իրականացվել են Արցախի բոլոր շրջաններում»,-տեղեկացնում է Թագուհի Խաչատրյանը:

2-րդ ճամբարը կազմակերպվել է Ասկերանի շրջանի Նորագյուղ համայնքում, որին մասնակցել են շուրջ 40 պատանի:

Թագուհի Խաչատրյանի խոսքով՝ առաջին ճամբարից հետո երեխաները բավականին տպավորված են և անընդհատ կապի մեջ են իրենց վարիչների հետ:

«Պատանիներն անընդհատ հարցնում էին, թե երբ ենք նորից կազմակերպելու պատանեկան ճամբար, ինչն էլ ստիպեց մեզ, որ 2-րդ անգամ ևս Նորագյուղում կազմակերպենք պատանեկան ճամբար»,-ասաց Թագուհի Խաչատրյանը:

Ինչպես տեղեկացնում են ՀՅԴ Արցախի երիտասարդական միությունից, 2-րդ փուլով անցկացվող ճամբարներում ընդգրկված երեխաների թիվը պայմանավորված է այն հանգամանքով, որ այս անգամ տարիքային շեմ են կիրառել:

3-րդ և վերջին ճամբարը կազմակերպվել է Մարտակերտի շրջանի Վանք գյուղում, որին մասնակցում էին 30 պատանիներ:

«Վանք գյուղում կազմակերպվող ճամբարը ևս նորություն էր պատանիների համար: Այս տարի արդեն 2-րդ անգամ ենք կազմակերպում ճամբար, քանի որ առաձին փորձը հաջողվել էր, և պատանիները մեծ ոգևորությամբ մասնակցեցին»,-մեզ հետ զրույցում նշեց Թագուհի Խաչատրյանը:

Նա նաև հավելեց, որ ճամբարները այսքանով չեն սահմանափակվելու և ապագայում ևս նախատեսում են կազմակերպել ճամբարներ Արցախի այլ համայնքներում:

«Մենք հետևողական ենք լինելու Արցախի պատանիների կյանքն ավելի գունավոր և հետաքրքիր դարձնելու համար, հատկապես՝ հետպատերազմյան շրջանում: Սա դաշնակցական երիտասարդի առաքելություններից մեկն է»,-եզրափակեց Թագուհի Խաչատրյանը:

Վահագն Խաչատրյան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica