close
Եղանակը Երևանում
24 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
24 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ժողովուրդն իր քվեարկությամբ կպատասխանի հայկական պետականության լինել-չլինելու հարցին. Վաչե Բրուտյան

Քաղաքական

18 Հունիսի 2021, 12:43
 Ժողովուրդն իր քվեարկությամբ կպատասխանի հայկական պետականության լինել-չլինելու հարցին. Վաչե Բրուտյան

Հունիսի 17-ին Հրապարակ TV առցանց հեռուստաալիքի հյուրն էր սփյուռքահայ մամուլի գործիչ, հրապարակախոս և վերլուծաբան Վաչե Բրուտյանը: Հաղորդման ընթացքում ներկայացվել է Վաչե Բրուտյանի «Երկիրն արտերկրէն» վերտառությամբ հոդվածների ժողովածուն, որ նախօրեին լույս էր տեսել Երևանում:

Հարցին՝ ինչո՞ւ հատկապես մայր հայրենիքում, Վաչե Բրուտյանը պատասխանել է. «Այս գրքում տեղ գտած իմ բոլոր հոդվածների առանցքը Հայաստանն է, Հայաստանն ու հայկական իրականությունը: Եվ պատահական չէր, որ Հայաստանի առնչությամբ այս հատորն ուզեցա լույս տեսնի հատկապես Երևանում: Դա պատահական զուգադիպության հարց չէր, այլ որոշում, որ ներքին տրամաբանության արդյունք էր»:

Զրուցակիցներն այնուհետև անդրադարձել են Հայաստանի ներքաղաքական կյանքին վերաբերող հարցերին, քննարկել նախընտրական անցուդարձն ու ընդգծել հունիսի 20-ին տեղի ունենալիք ԱԺ արտահերթ ընտրությունների նշանակությունը՝ երկիրն այս աննախադեպ ծանր վիճակից դուրս բերելու հարցում: Գնահատելով առաջիկա ընտրությունների կարևորությունը՝ Վաչե Բրուտյանը մասնավորապես նշել է. «Ամենից առաջ մենք պետք է կարողանանք սահմանել թե ինչի համար են այ ընտրությունները: Կիրակի, հունիսի 20-ին տեղի ունենալիք քվեարկությունն այս իշխանությունն այլ իշխանությամբ փոխարինելու, Թորոսը Կիրակոսով փոխարինելու պարզ քվեարկություն չէ: Սա բովանդակային իմաստով իրապես արտահերթ երևույթ է, որովհետև մենք պետք է լուծենք Հայաստանի գոյություն ունենալու կամ չունենալու խնդիրը: Սա է որ դրված է օրակարգի վրա, և մեր ժողովուրդն այս տրամաբանությամբ է, որ կիրակի պետք է ուղղվի դեպի քվեատուփեր, պատասխանելու հարցին՝ ուզո՞ւմ է ինքն ունենալ պետականություն, թե՞ ոչ»:

Մանրամասները՝ տեսանյութում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica