close
Եղանակը Երևանում
26 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
26 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Պարտվել՝ չի նշանակում ինքնորոշման իրավունքից հրաժարվել». Արցախի` «Հայրենիքի ձայն» շարժման նամակը` ԱՀ ԱԺ նախագահին

Արցախ

16 Հունիսի 2021, 23:06
 «Պարտվել՝ չի նշանակում ինքնորոշման իրավունքից հրաժարվել». Արցախի` «Հայրենիքի ձայն» շարժման նամակը` ԱՀ ԱԺ նախագահին

Բաց նամակ՝ ԱՀ ԱԺ նախագահ պրն. Ա. Թովմասյանին և   ԱԺ բոլոր խմբակցություններին

Դիմում ենք Ձեզ, ով արցախահայոց գաղափարական բանակի մատյան գունդ:
Դուք է, որ ստանալով ժողովրդի վստահության քվեն, փաստացի ստանձնել եք երկրի ճակատագիրը տնօրինելու իրավունքը: Ձեզ է տրված արցախահայության ազգային պայքարն առաջնորդելու պատմական առաքելությունը, Ձեր ուսերին է սերունդների պահանջատիրական ձգտումներն արդարացնելու պատասխանատվությունը, Ձեր խղճին է ընկածների միակ մխիթարանքը:
Երկիրը հոգևարքի մեջ է, փլուզված է հային հայ պահող արժեհամակարգը, վտանգված է Արցախում ապրելու ապագան, հանրությունը անորոշության մեջ է:
Այս օրհասական պահին, Դուք է, որ պետք է կանգնած լինեք ժողովրդի կողքին, Դուք է, որ, անգամ ինքնահրկիզվելով, պետք է լուսավորեք երկրի ապագան:
Ձեր անհասկանալի լռության ֆոնին, օտարներն են որոշում մեր ապրելու կամ չապրելու նպատակահարմարությունը:
Հանդիսանալով ազգային-քաղաքական մտքի դարբնոց, այդտեղ է, որ պիտի ձուլվի ամրակուռ հավատք, պայքարելու կամք ու հաղթելու հույս:
Մենք ոչխարի հոտ չենք, որ քշեն ում գոմը որ կամենան: Այս երկրի բնիկ տերը մենք ենք, և մենք պիտի որոշենք՝ ում հետ և ինչպես ենք կամենում ապրել:
Արցախահայությունն է պայքարի որոշում կայացրել, արցախահայությունն էլ պետք է որոշի պայքարի ելքը:
Պարտվել՝ չի նշանակում ինքնորոշման իրավունքից հրաժարվել:
Վեր կանգնեք փափկամեջք աթոռների գայթակղությունից ու դուրս եկեք ասպարեզ, հրաժարվեք կուսակցական պատկանելիությունից և որդեգրվեք հայրենիքին:
Դարձեք ժողովրդի գաղափարական կոշիկը ու ժողովուրդը ոտքի կկանգնի: Ոտքի կկանգնի ու տեր կկանգնի սեփական ճակատագրին:
Անհրաժեշտ է համատեղել ուժերը, ձևավորել արցախյան հիմնախնդրի կարգավորման հարցում հավաքական դիրքորոշում:
Փրկությունը համաժողովրդական համախմբումն է՝ գաղափարի ու նպատակի շուրջ:

«Հայրենիքի ձայնը» հանրային շարժման նախաձեռնող խումբ

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica