close
Եղանակը Երևանում
26 Հուլիսի 2021
+16°
+27°Ցերեկ
+15°Գիշեր
weather
close
Փոխարժեք
26 Հլս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՆԱՏՕ-ն Ռուսաստանին կոչ է անում հետ կանչել Վրաստանի «գրավյալ» շրջանների ճանաչումը

Աշխարհ

15 Հունիսի 2021, 16:08
 ՆԱՏՕ-ն Ռուսաստանին կոչ է անում հետ կանչել Վրաստանի «գրավյալ» շրջանների ճանաչումը

Բրյուսելում ՆԱՏՕ-ի գագաթնաժողովից հետո հրապարակված վերջնական փաստաթուղթն աջակցություն է հայտնում Վրաստանի, Ուկրաինայի և Մոլդովայի տարածքային ամբողջականությանը:

Միևնույն ժամանակ, փաստաթուղթը հորդորում է Ռուսաստանին՝ հետ վերցնել Աբխազիայի և Հարավային Օսիայի տարածաշրջանների՝ որպես անկախ պետությունների ճանաչումը և կատարել հրադադարի մասին համաձայնագիրը:

«Մենք սատարում ենք Վրաստանի, Ուկրաինայի և Մոլդովայի տարածքային ամբողջականությանը միջազգայնորեն ճանաչված սահմաններում: Միջազգային պարտավորություններին համապատասխան՝ մենք Ռուսաստանին կոչ ենք անում հետ կանչել բոլոր երեք երկրներում տեղակայված զորքերը: Մենք Ռուսաստանին կոչ ենք անում հետ կանչել Աբխազիայի և Հարավային Օսիայի շրջանների ճանաչումը՝ որպես անկախ պետությունների, կատարել 2008 թվականին ԵՄ միջնորդությամբ կնքված հրադադարի պայմանագիրը, դադարեցնել այդ շրջանների ռազմականացումը և ուժով այդ շրջանների առանձնացնումը Վրաստանի մնացած մասից: Մենք նաև կոչ ենք անում Ռուսաստանին՝ դադարեցնել մարդու իրավունքների ոտնահարումները, անօրինական ձերբակալությունները և Վրաստանի քաղաքացիների նկատմամբ հետապնդումները: Մենք վերահաստատում ենք մեր ուժեղ աջակցությունը Ժնևի միջազգային քննարկումներին»,- ասվում է ՆԱՏՕ-ի կոմյունիկեում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica