close
Եղանակը Երևանում
13 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
13 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Իրանի արտգործնախարարությունը հաստատել է Սաուդյան Արաբիայի հետ բանակցությունների փաստը

Տարածաշրջան

11 Մայիսի 2021, 17:15
 Իրանի արտգործնախարարությունը հաստատել է Սաուդյան Արաբիայի հետ բանակցությունների փաստը

Իրանի արտգործնախարարության խոսնակ Սայիդ Խաթիբզադեն այսօր լրագրողների հետ ճեպազրույցում հաստատել է տեղեկությունն այն մասին, որ Իրանը և Սաուդյան Արաբիան վերջերս բանակցություններ են վարել, որոնց ընթացքում կողմերը կենտրոնացել են երկկողմ հարաբերությունների և տարածաշրջանային խնդիրների քննարկման վրա:

Ըստ Խաթիբզադեի՝ լարվածության վերացումը և միջպետական հարաբերությունների հաստատումից կշահեն ինչպես երկրները, այնպես էլ Պարսից ծոցի տարածաշրջանը: «Իրանը միշտ ողջունում է Սաուդյան Արաբիայի հետ ցանկացած մակարդակի բանակցությունները, և դա Իրանի համար քաղաքական նորամուծություն չէ»,– հավելել է նա:

Մայիսի 7-ին Սաուդյան Արաբիայի արտաքին գործերի նախարարության խոսնակը լրատվամիջոցներում հաստատել էր, որ Իրանի հետ բանակցություններ են ընթանում, որոնց նպատակը «տարածաշրջանում լարված իրավիճակի թուլացումն» է:

2016-ի հունվարի 2-ին Սաուդյան Արաբիան մահապատժի դատապարտեց 47 բանտարկյալի՝ ահաբեկչության մեղադրանքով, այդ թվում՝ ազդեցիկ շիա աստվածաբան շեյխ Նիմր ալ Նիմրին, ինչը խստորեն դատապարտվեց Իրանում: Նույն երեկոյան ցուցարարները հարձակվեցին Իրանում Սաուդյան Արաբիայի դեսպանատան վրա, իսկ հունվարի 3-ին Սաուդյան Արաբիան հայտարարեց Իրանի հետ դիվանագիտական հարաբերությունների խզման մասին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica