close
Եղանակը Երևանում
11 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
11 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ըստ ԱՄՆ ՊՆ հետախուզության՝ Ռուսաստանը չի համարձակվել ուղղակիորեն միջամտել Արցախյան պատերազմին

Աշխարհ

4 Մայիսի 2021, 13:10
 Ըստ ԱՄՆ ՊՆ հետախուզության՝ Ռուսաստանը չի համարձակվել ուղղակիորեն միջամտել  Արցախյան պատերազմին

ԱՄՆ պաշտպանության դեպարտամենտի հետախուզական գործակալությունը Սենատի լսումների համար պատրաստել է զեկույց 2021 թվականին գլոբալ սպառնալիքների վերաբերյալ:

Զեկույցը կենտրոնացած է Չինաստանի ու Ռուսաստանի կողմից ԱՄՆ-ի ու նրա դաշնակիցների «հասցեին ուղղված սպառնալիքներին»:

Փաստաթղթում ասվում է, որ աշխարհն անցնում է «գլոբալ ռազմավարական մրցակցության» դարաշրջան, երբ ԱՄՆ-ի հիմնական մրցակիցները`Չինաստանն ու Ռուսաստանը, միջոցներ են մշակում Միացյալ Նահանգների ռազմական գերազանցությունը վիճարկելու համար: Բացի ռազմական միջոցառումներից, խոսվում է «գորշ գոտում» գործողությունների մասին, ինչպիսիք են պրոքսի զորքերի և վարձկանների կիրառումը, կիբերգրոհները, տեղեկատվության մանիպուլյացիան, մրցակիցների տնտեսական հզորությունը խարխլելը և այլն:

Փաստաթղթում Ռուսաստանի զինված ուժերը նշված են որպես ԱՄՆ-ի գոյության պոտենցիալ սպառնալիք, ինչպես նաև Ռուսաստանի սահմանների երկայնքով գտնվող երկրներում ազդեցությունը պահպանելու գործիք, որով Մոսկվան կարող է մարտահրավեր նետել Վաշինգտոնի գլոբալ ղեկավարությանը:

«Մոսկվան ԱՄՆ-ին և ՆԱՏՕ-ին դիտում է որպես Ռուսաստանի անվտանգության, նրա աշխարհաքաղաքական հավակնությունների և ներկայիս իշխող ռեժիմի համար ամենակարևոր սպառնալիքը: Արևմուտքի հետ մրցակցելու համար Մոսկվան օգտագործում է տարբեր քաղաքական, տնտեսական, դիվանագիտական, հետախուզական, հասարակական և ռազմական միջոցներ`միևնույն ժամանակ խուսափելով ուղղակի բախումներից»,- ասվում է փաստաթղթում:

Զեկույցը մանրամասնում է միջուկային և ոչ միջուկային ռուսական ուժերի արդիականացումը: Մասնավորապես՝ ակնկալվում է, որ առաջիկա տարիներին Ռուսաստանը լրջորեն կավելացնի իր միջուկային զինանոցը ոչ ռազմավարական միջոցներով:

ԱՄՆ ՊՆ հետախուզության վարչության զեկույցը անդրադարձել է նաև Լեռնային Ղարաբաղի 44-օրյա պատերազմին և նշել, որ Ռուսաստանը չէր համարձակվում ուղղակիորեն միջամտել ինչպես Լեռնային Ղարաբաղում պատերազմին, այնպես էլ Բելառուսի ներքին գործերին (ընդդիմության ցույցերի ֆոնին), բայց այլ մեթոդներով փորձել է պահպանել իր ազդեցությունը տարածաշրջանում, մասնավորապես՝ ռուս խաղաղապահների տեղակայումը Ղարաբաղում համարվում է Կովկասում Մոսկվայի ազդեցության մեծացում: Ըստ զեկույցի՝ ռազմական ուժի սպառնալիքը մնում է Ուկրաինայի վրա Ռուսաստանի ազդեցության հիմնական լծակը։

Նշվում է, որ ՌԴ–ի միջնորդությունն օգնել է դադարեցնել պատերազմը Արցախում, որը նրան տվել է հնարավորություն մեծացնելու իր ռազմական և տնտեսական ազդեցությունը տարածաշրջանում։

Դէպի ուժեղ Հայաստան
11 Մայիսի 2021, 12:24 Դէպի ուժեղ Հայաստան
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica