close
Եղանակը Երևանում
20 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
20 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գնացե՛ք, ընկերներիս մոտ աշխատեք. նախարարը՝ գյուղոլորտի կրճատված աշխատակիցներին

Տնտեսական

29 Ապրիլի 2021, 13:06
 Գնացե՛ք, ընկերներիս մոտ աշխատեք. նախարարը՝ գյուղոլորտի կրճատված աշխատակիցներին

Էկոնոմիկայի նախարարության Գյուղատնտեսական խորհրդատվության, նորարարությունների և մոնիթորինգի վարչություն մի խումբ աշխատակիցներ բողոքի ակցիա էին իրականացնում, նրանք պնդում էին, որ իրենց հաստիքները կրճատվել է: Քաղաքացիներից մեկը նշում էր՝ իրավիճակը ստիպում է լքել երկիրը:

«Մենք սիրում ենք մեր երկիրը, աշխատանքը մենք այս ոլորտի երիտասարդ կադրերն ենք, չենք ուզում թողնել ու գնալ այստեղից: Ես ունեմ տանը անչափահաս երեխա, բայց ստիպված պետք է գնամ տանը պարապ նստեմ»,- նշեց քաղաքացին:

Բողոքի ակցիայի մասնակիցների հետ հանդիպեց էկոնոմիկայի նախարար Վահան Քերոբյան, որն իր խոսքում նշեց՝ այս բարեփոխումներն արվում են «մեռած տղերքի» հիշատակը վառ պահելու համար:

«Ես պատերազմից եկել եմ ու խոսք տվել՝ ամեն ինչ պետք է անեմ, որ մեռած տղերքի համար լավ լինի ու նրանց հիշատակը վառ պահեմ և դա կլինի հզոր տնտեսություն կառուցելով»,- նշեց Վահան Քերոբյանը:

Ակցիայի ընթացքում քաղաքացիներն ընդգծեցին, որ տնտեսությունը կառուցում են՝ զոհված հերոսների հարազատների հաստիքը կրճատելով: Նրանք նաև նշում էին, որ բովանդակային ոչ մի մեկնաբանություն և պատասխան չեն ստացվել նախարար Վահան Քերոբյանի կողմից:

Ակցիայի մասնակիցներից մեկը, որը Լոռու մարզպետարանի աշխատակից է, նշեց, թե Քերոբյանն առաջարկում է տեքստիլում աշխատել, բայց ինքը չունի դրա հնարավորությունը:

«Աշխատակիցների 70 տոկոսը կրճատվել է, նախարարը ասում է՝ գնացեք տեքստիլում մտեք աշխատանքի, բայց ես չունեմ դրա հնարավորությունը, ոչ մեկ մեզ նորմալ պատասխան չի տալիս, չենք հասկանում իրավիճակը»,- ասաց Արթուր Խամվելյանը:

Քաղաքացիները նշում էին, որ Վահան Քերոբյանը գյուղատնտեսության հետ որևէ կապ չունի և գյուղատնտեսությունը նման կերպ չեն զարգացնում, նա չի պատկերացնում ոլորտը և ուղղակի մարդկանց է կրճատում: Մենք պայքարելու ենք մինչև վերջ և դիմելու ենք բոլոր կառույցներին:

Քաղաքացիները բողոքի ակցիան շարունակելու են նաև Էկոնոմիկայի նախարարության շենքի մոտ:

Մանրամասները՝ տեսանյութում:

Կուտակումներ Փարաքարում
20 Հունիսի 2021, 10:37 Կուտակումներ Փարաքարում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica