close
Եղանակը Երևանում
12 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
12 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վարժանք-հրդեհ՝ Օպերայի և բալետի ազգային ակադեմիական թատրոնում

Հասարակություն

23 Ապրիլի 2021, 21:15
 Վարժանք-հրդեհ՝ Օպերայի և բալետի ազգային ակադեմիական թատրոնում

Արտակարգ իրավիճակների նախարարությունն ապրիլի 23-ին Ալեքսանդր Սպենդիարյանի անվան Օպերայի և բալետի ազգային ակադեմիական թատրոնում անցկացրել է hրդեհաշիջման և փրկարարական աշխատանքների կազմակերպման ուսումնավարժություն, որի ընթացքում իրականացվել է հրդեհաշիջում, փրկարարական աշխատանքների կազմակերպում, ինչպես նաև աշխատակիցների տարահանում: Հրդեհի մասին իրազեկումն իրականացվել է անօդաչու թռչող սարքի միջոցով:

Վարժանքի անցկացման նպատակն էր կատարելագործել թատրոնի հրդեհային անվտանգության աշխատակիցների և փրկարար արձագանքող ուժերի փոխգործակցությունը՝ փրկարարական և հրդեհաշիջման աշխատանքների դեպքում: Սցենարի համաձայն՝ Օպերայի և բալետի ազգային ակադեմիական թատրոնի շենքում տեղի էր ունեցել պայթյուն: «Հրդեհը» 3-րդ կանչի բարդության էր, ներգրավվել են ժամանած բոլոր մարտական հաշվարկները: 4 «տուժած» է տարահանվել:

ՀՀ ԱԻ նախարար Անդրանիկ Փիլոյանն ընդհանուր առմամբ գոհ է ուսումնավարժության արդյունքներից. իրականացված ցուցադրական, մարտավարական ուսումնավարժանքը ծառայեց իր նպատակին: Ուսումնավարժությանը մասնակցել են «Շտապ բուժօգնությունը», «Վեոլիա Ջուրը», «Հայաստանի էլեկտրական ցանցերը»: Արտակարգ իրավիճակների նախարարության Փրկարարական ծառայության տնօրեն Արմեն Գասպարյանը նշել է, որ ակնհայտ թերություններ չեն նկատվել: Նախարարության բոլոր ստորաբաժանումները հաջողությամբ իրականացրել են իրենց առջև դրված խնդիրները և հայտարարել «հրդեհի» մարում:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica