close
Եղանակը Երևանում
14 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
14 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Դանիան արգելել է AstraZeneca-ի պատվաստանյութի օգտագործումը եւ ուսումնասիրում է աղքատ երկրներ դրա առաքման տարբերակները

Աշխարհ

15 Ապրիլի 2021, 23:18
 Դանիան արգելել է AstraZeneca-ի պատվաստանյութի օգտագործումը եւ ուսումնասիրում է աղքատ երկրներ դրա առաքման տարբերակները

Դանիան, որն արգելել է AstraZeneca պատվաստանյութի օգտագործումը, ուսումնասիրում է աղքատ երկրներ դրա առաքման տարբերակները: Այս մասին հայտարարել է ԱՀԿ Եվրոպական տարածաշրջանային գրասենյակի տնօրեն Հանս Կլյուգեն, հայտնում է AP-ն:

Այս շաբաթ Դանիան դարձել է առաջին երկիրը, որը ամբողջությամբ դադարեցրել է COVID-19-ի դեմ AstraZeneca-ի պատվաստանյութի օգտագործումը, քանի որ եվրոպացի պաշտոնյաները հետաքննում են թրոմբոցիտների ցածր քանակի հետ կապված շատ հազվագյուտ թրոմբների մասին հաղորդագրությունները:

ԱՀԿ-ն, որը Մեծ Բրիտանիայի եւ Դեղամիջոցների եվրոպական գործակալության (EMA) հետ միասին շարունակում է խորհուրդ տալ AstraZeneca-ի պատվաստանյութը` հիմնավորելով, որ առավելությունները գերազանցում են ռիսկերը, երկրներին հորդորում է չկուտակել չօգտագործված պատվաստանյութերը:

«Երեկ ես խոսեցի Դանիայի Առողջապահության գրասենյակի գլխավոր տնօրեն դոկտոր Սորեն Բրոստրոմի հետ, եւ ես հասկանում եմ, որ Դանիայի արտաքին գործերի նախարարությունը պատրաստ է կամ արդեն քննարկում է AstraZeneca-ի պատվաստանյութերն ավելի աղքատ երկրների հետ փոխանակելու տարբերակները»,- ասել է Կլյուգեն:

ԱՀԿ ներկայացուցիչները չեն քննադատել AstraZeneca-ի պատվաստանյութի օգտագործումը դադարեցնելու Դանիայի որոշումը՝ ասելով, որ յուրաքանչյուր երկիր պետք է ունենա պատվաստումների իր ծրագրերի վերաբերյալ ճկուն որոշումներ կայացնելու հնարավորություն:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica