close
Եղանակը Երևանում
12 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
12 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ «Մարտական խաչ» շքանշաններ և «Արիության համար» մեդալներ․ ՀՅԴ նահատակ կամավորները պարգևատրվեցին

Քաղաքական

14 Ապրիլի 2021, 21:19
 ՏԵՍԱՆՅՈՒԹ․ «Մարտական խաչ» շքանշաններ և «Արիության համար» մեդալներ․ ՀՅԴ նահատակ կամավորները պարգևատրվեցին

Արցախի Հանրապետության նախագահի հրամանագրով՝ 2020 թվականի սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում Արցախի Հանրապետության պետական սահմանը պաշտպանելիս ցուցաբերած բացառիկ քաջության ու արիության համար պարգևատրվեցին ՀՅԴ «Կամավորական շարժում» հասարակական կազմակերպության նահատակ կամավորները՝ հայտնում է Yerkir.am-ը։

Պարգևները հանձնեցին Արցախի Հանրապետության անվտանգության խորհրդի քարտուղար, Արցախի հերոս, գեներալ-մայոր Վիտալի Բալասանյանը, ՀՅԴ «Կամավորական շարժում» ՀԿ գումարտակի հրամանատար Հարմիկ Հովսեփյանը, ՀՅԴ «Կամավորական շարժում» ՀԿ գումարտակի շտաբի պետ Արտաշես Մխիթարյանը։

Հետմահու «Մարտական խաչ» առաջին աստիճանի շքանշաններ ստացան Մհեր Հարությունյանը, Գեղամ Մուշեղյանը, «Մարտական խաչ» երկրորդ աստիճանի շքանշաններ՝ Քրիստափոր Արթինը, Կիմ Խաչատրյանը, Մայիս Նազարյանը։

Նահատակ մյուս մարտիկներն ստացան «Արիության համար» մեդալ։

Ընդհանուր առմամբ՝ ՀՅԴ «Կամավորական շարժում» հասարակական կազմակերպությունից հետմահու պարգևատրվեց 28 կամավոր։ Պարգևներն ստացան նրանց զավակները, կանայք, ընտանիքի անդամները։

Նահատակ Տավրոս Աբրահամյանի քույրը՝ Աստղիկը, ասաց՝ անեծք և բյուր նախատինք այն հային, ով թուրքի մեջ բարեկամ կտեսնի ու կուրանա մեր տղաների արյունը։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica