close
Եղանակը Երևանում
18 Հունիսի 2021
+16°
+27°Ցերեկ
+15°Գիշեր
weather
close
Փոխարժեք
18 Հնս 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կառավարությունը 35 մլն ԱՄՆ դոլար վարկից 3 մլն-ը ծախսել է այլ նպատակի համար ու հիմա ստիպված նոր վարկ է վերցրել. 168.am

Տնտեսական

28 Մարտի 2021, 23:55
 Կառավարությունը 35 մլն ԱՄՆ դոլար վարկից 3 մլն-ը ծախսել է այլ նպատակի համար ու հիմա ստիպված նոր վարկ է վերցրել. 168.am

Դեռևս 2013 թվականին Հայաստանը Միջազգային զարգացման ընկերակցության հետ կնքել էր 35 մլն ԱՄՆ դոլարի վարկային պայմանագիր Գեղարքունիքի մարզի Մարտունու ԲԿ և ՀՀ Վայոց ձորի մարզային հիվանդանոցի արդիականացման աշխատանքներն իրականացնելու համար։

Մասնավորապես, նշված գումարով պետք է իրականացվեին կառուցման շինարարական աշխատանքները, գնվեին բժշկական սարքավորումներ և կահույք։

Նախորդ իշխանության ժամանակ կնքված այս վարկային համաձայնագիրը 2020 թվականի մարտի 6-ին գործող Կառավարությունը ենթարկել է փոփոխության, ըստ որի, Վայոց ձորի մարզի նոր մարզային հիվանդանոցի կառուցման և հագեցման աշխատանքները հանվել են վարկով նախատեսված միջոցառումների ցանկից։

Փոփոխություն կատարող կառավարությունը Վայոց ձորի մարզի հիվանդանոցը ծրագրից հանելը պայմանավորել է նրանով, որ նախատեսված շինարարական աշխատանքների արժեքը բարձր է, բացի այդ՝ խնդիր է առաջացրել դոլարի բարձր փոխարժեքը։

Որոշվել է՝ քանի որ 35 մլն ԱՄՆ դոլարը բավարար չէ երկու ԲԿ-ի նորոգման համար, ապա պետք է այդ գումարով արդիականացվի միայն Մարտունու ԲԿ-ն։

Այնուհետև, COVID-19 համավարակին հնարավորինս արագ և արդյունավետ հակազդելու անհրաժեշտությամբ պահմանավորված՝ ՀՀ կառավարությունը դիմել է Համաշխարհային բանկին և խնդրել, որ այդ 35 մլն ԱՄՆ դոլարից 3 մլն ԱՄՆ դոլար գումար վերաբաշխեն COVID-19-ին դիմակայելու նպատակով։

Այսինքն՝ ՀՀ նախորդ կառավարությունը ստանձնել է պարտավորություն՝ 35 մլն ԱՄՆ դոլարով երկու բժշկական կենտրոն վերանորոգելու և կահավորելու համար, գործող Կառավարությունը որոշել է երկու ԲԿ-ի համար նախատեսված գումարով նորոգել մեկը, սակայն այստեղ էլ խնդիրներ են առաջացել, քանի որ նախատեսված գումարից 3 մլն ԱՄՆ դոլարն ուղղվել է այլ նպատակի, և հիմա նոր վարկ է վերցրել դեֆիցիտը փակելու համար։

Եվ այսպես, 2021թ․ փետրվարի 18-ին Հայաստանի Հանրապետության և Վերակառուցման և զարգացման միջազգային բանկի «IBRD» միջև ստորագրվել է 7.4 մլն ԱՄՆ դոլար գումարի չափով նոր վարկային համաձայնագիր՝ 35 մլն ԱՄՆ դոլար արժեքով վարկային համաձայնագրով ստանձնած, բայց չկատարած պարտավորությունները կատարելու համար։

Աղբյուրը՝ 168.am

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica