close
Եղանակը Երևանում
14 Մայիսի 2021
+16°
+27°Ցերեկ
+15°Գիշեր
weather
close
Փոխարժեք
14 Մայ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ադրբեջանցի զինվորականները Շուշիում պղծել եւ քանդել են Հովհաննես Թևոսյանի հուշարձանը

Հասարակություն

4 Մարտի 2021, 22:35
 Ադրբեջանցի զինվորականները Շուշիում պղծել եւ քանդել են Հովհաննես Թևոսյանի հուշարձանը

Ադրբեջանցի զինվորականները շարունակում են պղծել հայկական հուշարձանները Ադրբեջանի վերահսկողության տակ անցած տարածքներում: Ցանցում հայտնվել է տեսանյութ, որում ադրբեջանցի զինվորականները քանդում են Հովհաննես (Իվան) Թեւոսյանի հուշարձանը, հայտնում է Sputnik-Արմենիան:

Նշենք, որ Թեւոսյանը ծնվել է Շուշի քաղաքում՝ դերձակ-արհեստավորի ընտանիքում: Մի քանի տարի անց ընտանիքը փախել է Շուշիից եւ բնակություն հաստատել Բաքվում: Նա Բաքվում ավարտել է ուղղափառ ծխական դպրոցը եւ եռամյա առեւտրի դպրոցը: Ավարտելուց հետո աշխատել է Վոլգա-Բաքվի նավթային ընկերությունում՝ որպես գործավար, հաշվետար եւ հաշվապահի օգնական: Միաժամանակ երեկոները սովորել է գիմնազիայում:

1948-1949 թվականներին զբաղեցրել է ԽՍՀՄ մետալուրգիական արդյունաբերության նախարարի պաշտոնը: 1949-1956 թվականներին եղել է ԽՍՀՄ Նախարարների խորհրդի նախագահի տեղակալ, միաժամանակ 1950-1953 թվականներին՝ ԽՍՀՄ սեւ մետալուրգիայի նախարար: 1956 թվականից մինչ մահը եղել է Ճապոնիայում ԽՍՀՄ դեսպան:

Նշենք, որ սա հայկական պատմամշակութային հուշարձանների դեմ ադրբեջանական վանդալիզմի առաջին դեպքը չէ:

2020-ի նոյեմբերին ադրբեջանցի զինծառայողները ոչնչացրել էին Շուշիի Կանաչ մատուռի գմբեթն ու զանգակատունը:

Նոյեմբերի 16-ին պղծել ու մասամբ ավերել էին Մեխակավան գյուղի Սուրբ Աստվածածին եկեղեցին, իսկ դրա վրա տեղադրված խաչը քանդել էին: Պղծվել էր նաեւ Վազգեն Սարգսյանի հուշարձանը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica