close
Եղանակը Երևանում
14 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
14 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ապացուցեք՝ Օնիկ Գասպարյանը Սերժ Սարգսյանի հրամանով է պահանջել հրաժարական. Մարուքյանը՝ Փաշինյանին

Քաղաքական

3 Մարտի 2021, 19:18
 Ապացուցեք՝ Օնիկ Գասպարյանը Սերժ Սարգսյանի հրամանով է պահանջել հրաժարական. Մարուքյանը՝ Փաշինյանին

Ներկայացրեք ապացույցներ, որ ԳՇ պետը ՀՀ երրորդ նախագահ Սերժ Սարգսյանի հրամանով արել է հայտարարություն Նիկոլ Փաշինյանի հրաժարականի վերաբերյալ։ Այս մասին այսօր՝ մարտի 3-ին, ԱԺ հարցուպատասխանին Նիկոլ Փաշինյանին այդպիսի հարց ուղղեց ԼՀԿ ղեկավար Էդմոն Մարուքյանը։

Մարուքյանը հարցրեց նաեւ՝ արդյոք ինքն անձամբ չի՞ գնացել ԳՇ եւ խոսել գեներալների հետ, հասկանալ՝ ի՞նչ է տեղի ունեցել։

«Նոյեմբերի 10-ին արել եք հայտարարություն, որ ձեր ու բանակի ղեկավարության միջեւ կա մարտական եղբայրություն. Ուզում եմ հասկանալ՝ ձեր եւ ձեր մարտական եղբայրների մեջ ի՞նչ է տեղի ունեցել»,- հարցրեց ԼՀԿ ղեկավարը։

Մարուքյանի հարցին պատասխանեց ՀՀ փոխվարչապետ Տիգրան Ավինյանը։ Նա նշեց, որ այն հայտարարությունները, որոնք արվել են վարչապետի կողմից, հավելյալ պարզաբանման կարիք չունեն. «Վարչապետը որքանով որ հարկ է համարել, այդ չափով է հայտարարություններն արել։ Եթե լինի հավելյալ պարզաբանման կարիք, կարծում եմ՝ անդրադարձ կլինի։ Մնացածի մասով կարող եմ ասել, որ պետք է ուղղակի ի գիտություն ընդունել այն հայտարարությունները, որոնք եղել են մարտի 1-ին»։

Մարուքյան խոսքով էլ՝ նման հայտարարություն ցանկացած գերատեսչության ղեկավարի մասին կարող է արվել, եթե չկա ապացույց. «Այսինքն՝ հրապարակային արվել է հայտարարություն, պարոն վարչապետն այստեղ է, ես զարմանում եմ ինչու ինքը չի պատասխանում, նման հայտարարություն ցանկացած գերատեսչության ղեկավարի մասին կարող է արվել, վաղն էլ կարող է ասեք՝ Արարատ Միրզոյանը ինչ-որ բան է արել Սերժ Սարգսյանի հրամանով։ Ասում եք՝ եթե անհրաժեշտություն լինի, անհրաժեշտություն կա։ Եղբայր, բան եք ասել, ձեր ասածն ապացուցեք։ Եթե առանց փաստական հիմքի մեղադրանք է դա, արձանագրենք, որ դա առանց փաստական հիմքի մեղադրանք է»։

Ավիյանն էլ արձագանքեց, թե ՀՀԿ-ականները դրա հետ կապված որոշակի հայտարարություններ արել են. «Կարող եք ծանոթանալ այդ հայտարարություններին»։

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica