close
Եղանակը Երևանում
8 Մարտի 2021
+16°
+27°Ցերեկ
+15°Գիշեր
weather
close
Փոխարժեք
8 Մար 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Մեր թշնամիները շարունակում են իրենց ազդեցությունը ՀՀ իշխանությունների վրա․ Սեյրան Օհանյան

Հասարակություն

19 Հունվարի 2021, 13:09
 ՏԵՍԱՆՅՈՒԹ․ Մեր թշնամիները շարունակում են իրենց ազդեցությունը ՀՀ իշխանությունների վրա․ Սեյրան Օհանյան

Մեր թշնամիները՝ Ադրբեջանը և ռուս-թուրքական տանդեմը, շարունակում են իրենց ազդեցությունը ՀՀ իշխանությունների վրա, դա է պատճառը, որ ասում ենք՝ ՀՀ իշխանությունները պետք է փոխվեն՝ ըստ Yerkir.am-ի հայտարարեց ՀՀ պաշտպանության նախկին նախարար, գեներալ-գնդապետ Սեյրան Օհանյանը դատարանի առջև լրագրողների հետ զրույցում։

«Ես ուրախությամբ չէ, որ ասում եմ՝ Հայաստանի իշխանությունները պետք է փոխվեն, ուրախությամբ չէ, որ ասում եմ՝ մենք պարտվել ենք, պարզապես նոր, ավելի համարձակ արտաքին հարաբերություններում ավելի լավ բանակցող իշխանություններ են պետք, որ կարողանանք այս իրավիճակից դուրս գալ»,-ասաց նա։

Սեյրան Օհանյանի համոզմամբ՝ մոսկովյան այցից հետո հունվարի 11-ին ստորագրված փաստաթուղթը ևս վերոնշյալի վառ վկայությունն է։

«Մեր շատ հայրենակիցներ ուրախանում են, որ ապաշրջափակում է լինելու և այլն․ իհարկե, եթե խաղաղության պայմանագիրը կնքված լինի, եթե հարթված լինեին մեր հարաբերությունները, ապա ապաշրջափակումը շատ լավ է, բայց այս իրականության մեջ, երբ ռազմական հաղթանակից հետո թուրք-ադրբեջանական տանդեմը ընդլայնելու է նաև իրենց և՛ տնտեսական, և՛ նաև ժողովրդավարական հարձակումը մեզ վրա, դա մտահոգիչ է։ Դրա շարունակությունն է Կարսի տարածքում թուրք-ադրբեջանական զորավարժությունները, որը հոգեբանական ազդեցություն է և՛ մեզ վրա, և՛ տարածաշրջանի այլ երկրների, նաև Վրաստանի վրա, ՌԴ վրա․ նպատակը՝ անընդհատ տաք պահելն է զգացողությունը, որ իրենք ուժեք են, և այս իշխանությունների պարագայում մեր ձախողումների և նահանջի քաղաքականությունը անընդհատ լինելու է»,-ասաց նա։

Սեյրան Օհանյանը նաև հաստատեց, որ Շուշիում ինքը եղել է Արգիշտի Քյարամյանի հետ։

«Արգիշտի Քյարամյանը ճիշտ է ասում՝ Շուշիում ինքը աջակցել է հրամանատարին, ես էլ եմ աջակցել։ Ավելին, այս կամ այն հատվածում ջոկատերի տեղաբաշխման, խնդիրների առաջադրման աշխատանքներ է տարել։ Նոյեմբերի 7-ին իմ մեքենայով՝ ինքը խնդրել է, ես իրեն տեղափոխել եմ Երևան»,-ասաց Սեյրան Օհանյանը։

Մանրամասն՝ տեսանյութում․

Աստղագուշակ. մարտի 7
7 Մարտի 2021, 09:58 Աստղագուշակ. մարտի 7
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica