close
Եղանակը Երևանում
23 Հունվարի 2021
+16°
+27°Ցերեկ
+15°Գիշեր
weather
close
Փոխարժեք
23 Հնվ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ՏԵՍԱՆՅՈՒԹ․ Պիտի թույլ չտանք, որ ապագայի հավատը սպանվի․ Փաշինյան

Քաղաքական

26 Նոյեմբերի 2020, 14:56
 ՏԵՍԱՆՅՈՒԹ․ Պիտի թույլ չտանք, որ ապագայի հավատը սպանվի․ Փաշինյան

Այսօրվա մեր անելիքն ու հրամայականն է լինելու ապրել ու հաղթահարել ստեղծված ժամանակն ու նրա ծանրությունը՝ ըստ Yerkir.am-ի ասաց ՀՀ վարչապետ Նիկոլ Փաշինյանը ռազմական գործողությունների ավարտից հետո կառավարության առաջին նիստում։

Հանրությունը պետք է ստանա հստակ պատասխաններ, թե ինչ է տեղի ունեցել եւ ինչու՝ ասաց Փաշինյանը։ Նա կարեւորեց կատարվածի պատճառների վերհանումը, պարզաբանումն ու վերլուծությունը: 

«ՀՀ քաղաքացին պետք է վստահ լինի, որ ինքն է իրավիճակի իրական տերը, եւ այս զգացողության վրա պետք է կառուցի իր ապագան: Նաեւ ժողովուրդը պիտի որոշի, թե այդ ապագան ում հետ պետք է կառուցի, այդ գործում ով ինչպիսի դերակատարություն պիտի ունենա: Հայաստանի քաղաքացիների ստեղծարար ներուժն անսպառ է, եւ մեր առաջիկա ամենակարեւոր անելիքն այդ ներուժի կենտրոնացումն է նոր ապագայի կառուցման վրա»,-ասաց նա:

Փաշինյանը նաև ասաց, որ մենք պիտի թույլ չտանք, որ այդ ապագայի հավատը սպանվի, մեր ամենօրյա աշխատանքը պետք է ուղղված լինի այդ հավատի ուժեղացմանը, ամրապնդմանը եւ զարգացմանը:

«Որպես Հայաստանի վարչապետ ինձ վրա եմ վերցնում ստեղծված իրավիճակի ամբողջ պատասխանատվությունը, բայց գիտակցում եմ, որ ինձ վրա է ոչ միայն մինչեւ օրս տեղի ունեցածի, այլեւ հետագա զարգացումների պատասխանատվությունը»,-ասաց Նիկոլ Փաշինյանը:

Նա նշեց, որ արտաքին ու ներքին անվտանգության ապահովումը եւ նոյեմբերի 18-ին իր հրապարակած ճանապարհային քարտեզի իրականացումը բացարձակ առաջնահերթություն եւ անհրաժեշտություն է:

Փաշինյանը խոստացավ Արցախի տուժած բնակչության համար աջակցության միջոցառումների ընդունումը շարունակական դարձնել:

Նաև խոստացավ, որ Սյունիքի եւ Գեղարքունիքի մարզերի՝ պատերազմից տուժած բնակավայրերի վերականգնումը լինելու է կառավարության ուշադրության կենտրոնում:

«Բացարձակ առաջնահերթություն են անհայտ կորածների որոնողական աշխատանքներն ու գերիների փոխանակումը: Այս խնդիրների վրա ամենօրյա ռեժիմով ենք աշխատում: Հիմնական բարդությունն այն է, որ այս աշխատանքի արդյունավետությունը, ցավոք, կախված է ոչ միայն մեզանից»,- նշել է Նիկոլ Փաշինյանը:

Նրա խոսքով՝ զոհվածների ընտանիքների եւ հաշմանդամություն ստացած ու պատերազմից տուժած քաղաքացիների սոցիալական պաշտպանության երաշխիքների գործունեություն ու հետագա կատարելագործումը հրատապ անելիքների ցանկում են:

Բարեփոխումները պետք է շարունակվեն եւ ընդլայնվեն՝ ի հայտ եկած նոր մարտահրավերներին համապատասխան՝ ասաց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica