Коммерсантъ-ն անդրադարձել է խաշին

Ռուսական КоммерсантЪ Weekend-ը  մարդու օրգանիզմի համար խոզի խաշած տոտիկների օգտակարության մասին նյութ է հրապարակել:

Афиша-Еда կայքի խմբագիր Ալեքսեյ Զիմինը գրում է, որ խոզի քիթը և տոտիկները ուղղակի կոլագեն են: Ըստ նրա` խոզի վերջույթները  մեծ քանակությամբ այդ սպիտակուցն են պարունակում, որը ջերմային վերամշակման ընթացքում դոնդողանյութի են վերածվում: Հեղինակի խոսքով՝ այդ նյութը շատ օգտակար է մարդու առողջության համար:

«Բժիշկները խորհուրդ են տալիս ոսկրային վնասվածքների ու սալջարդների դեպքում առավոտյան գնալ հայկական ռեստորան և խաշ պատվիրել: Դա տաք, հեղուկ դոնդողանյութով ճաշատեսակ է», - գրում է հոդվածի հեղինակը: