close
Եղանակը Երևանում
24 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
24 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Քվեարկելով ՔՊ-ին՝ վերարտադրում են նույն թուլամորթությունը, տանում են երկիրը դեպի անկում․ Սպիտակում ՀՅԴ թեկնածու

Քաղաքական

2 Դեկտեմբերի 2021, 13:40
 Քվեարկելով ՔՊ-ին՝ վերարտադրում են նույն թուլամորթությունը, տանում են երկիրը դեպի անկում․ Սպիտակում ՀՅԴ թեկնածու

Դեկտեմբերի 5-ին ՏԻՄ մարմինների ընտրություններ կանցկացվեն Լոռու մարզի չորս համայնքներում՝ Վանաձորում, Սպիտակում, Թումանյանում, Փամբակում։ Սպիտակում քաղաքապետի պաշտոնի  համար պայքարի հայտ է ներկայացրել չորս քաղաքական ուժ՝ «Իմ հզոր համայնք», «Հայրենիք», ՀՅԴ, «Քաղաքացիական պայմանագիր» կուսակցությունները։

Հայ Յեղափոխական Դաշնակցության համամասնական ցուցակը գլխավորող Սասուն Ասատրյանը այս ընտրություններում կարևորում է ոչ միայն համայնքային հարցերը, այլև ՀՀ-ում տիրող իրավիճակը։

«Մենք հիմա փաստորեն խորը ճգնաժամի մեջ ենք։ Այս իրավիճակում իշխանությունն էլ իր դիմակը պատռում է,  և կարևոր է, որ մարդիկ ուշքի գան։ Մենք հնարավորինս զրուցում ենք մարդկանց հետ, որպեսզի հիպնոսացած վիճակից բերենք գիտակցության։ Այնքան բևեռեցին մեր հասարակությանը՝ սև-սպիտակ, կեղծ լոզունգներով, որ այժմ մարդկանց չենք մեղադրում, իրենց պետք է ուղղակի ուշքի գալ։ Իրենք չեն հասկանում, որ պետականության կորստի, վտանգի առջև ենք, թուրքը հանգիստ մտնում, դուրս է գալիս, ոչ մի բան չեն ասում, դրա համար պետք է մեր հասարակությունը արթնանա և դա պետք է մարզերից սկսվի։ Պատահական չէ մեր կարգախոսը՝ «Հայրենիքը սկսվում է համայնքից»»,-Yerevan.Today-ի հետ զրույցում ասաց Սասուն Ասատրյանը։

Ասատրյանի խոսքով, Սպիտակում բնակիչներից շատերը հասկանում են երկրին սպառնացող վտանգները, հետևաբար իրենց ընտրությունը կատարելիս վստահ է, որ ուշադիր կլինեն, թե ում է պետք վստահության քվեն տալ։

«Քվեարկելով ներկա ազգադավ իշխանությանը վերարտադրում են նույն թուլամորթությունը, մեզ տանում են դեպի անկում։ Մնում է ՏԻՄ-ում էլ ընտրվեն։ Իրենց ընտրողների մի մասը պատրաստվում է երկրից գնալ, ասում են՝ մնանք, ի՞նչ անենք։ Գնում են ՔՊ-ին ընտրում են, էդ վերջին վատությունն էլ անում են նոր գնան երկրից։ Էս նույն մարդիկ այն ժամանակ Նժդեհից պետք է դժգհոհեին, ինչքան հերոս ունենք, վարակաբեկում են, անհայրենիքների պատճառով հայրենիք ենք կորցնում։ Դրա համար համայնքներում մենք պետք է ճիշտ աշխատանք տանենք, մենք պետք է վերականգնենք համերշխությունը առաջին հերթին»,- եզափակեց Սասուն Ասատրյանը։

Այս բաժնի այլ նորությունները
Ամենաշատ ընթերցվածները
Yandex.Metrica