close
Եղանակը Երևանում
21 Հունվարի 2022
+16°
+27°Ցերեկ
+15°Գիշեր
weather
close
Փոխարժեք
21 Հնվ 2022
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կալանավորել են մի մարդու, որը Քաջարանի ծառան էր, այսօր համայնքը սպասում է իր ղեկավարին. փոխքաղաքապետ

Հասարակություն

29 Նոյեմբերի 2021, 20:28
 Կալանավորել են մի մարդու, որը Քաջարանի ծառան էր, այսօր համայնքը սպասում է իր ղեկավարին. փոխքաղաքապետ

Համայնքի առջեւ ծառացած խնդիրները մեկ ամսում լուծել հնարավոր չէր: Համայնքի ղեկավարի կալանքի տակ մնալը մեզ համար բարդություններ է ստեղծել: Փարամազյանը անձամբ պայմանավորվածություններ ուներ տարբեր կազմակերպությունների հետ. Yerkir.am-ի հաղորդմամբ՝ ասաց Սյունիքի Քաջարան խոշորացված համայնքի ղեկավարի տեղակալ Զոհրաբ Առաքելյանը:

«Պայմանագրեր ունեինք Զանգեզուրի պղնձամոլիբդենային կոմբինատի հետ: Ես կառավարությանը ասել եմ, որ համայնքի ղեկավարի կալանքից համայնքը չպետք է տուժի: Համայնքը սպասում է իր ղեկավարին, որպեսզի ծրագրված խնդիրները իրականացնի»,-ասաց նա:

Քաջարանի փոխքաղաքապետը շեշտում է՝ կալանավորել են մի մարդու, որը համայնքի ծառան էր: Նա հույս ունի, որ դատարանը խափանման միջոցը կփոխի, ու Փարամազյանը կկարողանա վերադառնալ: Փոխքաղաքապետը վրդովված է այն խոսակցություններից, թե Մանվել Փարամազյանը չի մասնակցել 44-օրյա պատերազմին. «Այսօր ԱԺ պատգամավորներից լսում եմ, թե Փարամազյանը պատերազմին չի մասնակցել: Ուզում եմ այդ պատգամավորներին ասել, որ նրանք առհասարակ Մանվել Փարամազյանի արած գործերից ու սխրագործություններից տեղյակ չեն: Սեպտեմբերի 27-ից սկսած նա մասնակցել է պատերազմին: Ես գիտեմ, որ հոկտեմբերի 2-ից սկսած Մանվել Փարամասյանը կամավորականների հետ եղել է Ֆիզուլի-Ջաբրայիլ հատվածում: Հոկտեմբերի 18-ին՝ վարչապետի՝ Գորիսի խորհրդակցությունից հետո, համայնքի ղեկավարը, համայնքի տղաների հետ միասին, հանդես էր եկել հայրենիքի պաշտպանության համար ինքնապաշտպանական ջոկատներ ստեղծելու կոչով: 1-2 օրում կազմակերպեց եւ մոտ 300 հոգի միանգամից հավաքվեցին իր շուրջ եւ բոլորը մեկնեցին մարտական մարտական հերապահության: Ինքն անձամբ ինքնապաշտպանական ջոկատների հետ դիրքեր բարձրանում»,-պատմեց նա։

Մանրամասները՝ տեսանյութում

Այս բաժնի այլ նորությունները
Ամենաշատ ընթերցվածները
Yandex.Metrica