close
Եղանակը Երևանում
3 Դեկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
3 Դեկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուսաստանը հայտարարել է, որ ԱՄՆ-ն փորձում է ձախողել «3+3» ձևաչափի գործարկումը

Աշխարհ

22 Հոկտեմբերի 2021, 11:39
 Ռուսաստանը հայտարարել է, որ ԱՄՆ-ն փորձում է ձախողել «3+3» ձևաչափի գործարկումը

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան ակնկալում է «3 + 3» ձևաչափի (Հայաստան, Ադրբեջան, Վրաստան - Ռուսաստան, Թուրքիա, Իրան) վաղաժամ մեկնարկ, սակայն նշում է այս գործընթացին ԱՄՆ-ի գլխավորած արևմտյան երկրների միջամտության փորձերը:

«Մենք տեսնում ենք մի շարք արևմտյան պետությունների, առաջին հերթին՝ ԱՄՆ-ի ցանկությունը՝ միջամտել որոշ գործընթացների, այս նախաձեռնության անիվների մեջ փայտ դնել: Մեր կողմից առաջնորդվում ենք տարածաշրջանային «3+3» խորհրդատվական մեխանիզմի շուտափույթ գործարկումով՝ ի շահ դրա բոլոր մասնակիցների»,- ՏԱՍՍ-ը մեջբերում է Զախարովայի խոսքերը։

Նա նշել է, որ ամերիկյան կողմը, փորձելով կանխել բանակցային մեխանիզմի գործարկումը, զբաղված է ապատեղեկատվությամբ՝ Մոսկվային վերագրելով այդ ձևաչափի ստեղծման նախաձեռնությունը։

Դիվանագետը հիշեցրել է, որ նման մեխանիզմ ստեղծելու գաղափարն առաջարկել են Ադրբեջանի և Թուրքիայի նախագահները:

«Ռուսաստանը աջակցել է այս նախաձեռնությանը։ Մենք ելնում ենք այն նախադրյալից, որ բազմակողմ տարածաշրջանային համագործակցության զարգացումը բացարձակապես համապատասխանում է այս ձևաչափի բոլոր մասնակիցների շահերին։ Եվ, մեր կարծիքով, այս մեխանիզմի գործարկումը կնպաստի միջպետական հարաբերությունների նկատմամբ վստահության բարձրացմանը, առկա հակասությունների վերացմանը և տարածաշրջանի տնտեսական, տրանսպորտային և հումանիտար ներուժի բացահայտմանը»,- ասել է ՌԴ ԱԳՆ պաշտոնյան:

Հիշեցնենք, որ այս ձևաչափին դեռևս կողմ չեն Հայաստանն ու Վրաստանը. Վրաստանը նշում է, որ չի լինի մի ձևաչափում, որում ներգրավված է նաև «օկուպանտ» Ռուսաստանը:


Հայ-ուկրաինական կրկես
2 Դեկտեմբերի 2021, 18:32 Հայ-ուկրաինական կրկես

Այս բաժնի այլ նորությունները
Ամենաշատ ընթերցվածները
Yandex.Metrica