close
Եղանակը Երևանում
19 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
19 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքական լիրան երկրորդ օրն անընդմեջ նվազել է՝ հասնելով պատմական նվազագույնի դոլարի նկատմամբ

Տարածաշրջան

25 Սեպտեմբերի 2021, 12:02
 Թուրքական լիրան երկրորդ օրն անընդմեջ նվազել է՝ հասնելով պատմական նվազագույնի դոլարի նկատմամբ

Թուրքական լիրան ուրբաթ շարունակել է անկումը դոլարի նկատմամբ՝ երկրորդ օրը անընդմեջ թարմացնելով իր պատմական նվազագույն մակարդակը այն բանից հետո, երբ թուրքական Կենտրոնական բանկը որոշել է իջեցնել իր քաղաքականության տոկոսադրույքը: 

Դոլարը լիրայի նկատմամբ աճել է մինչև 8.828 լիրա մեկ դոլարի դիմաց՝ 8.7622 լիրայից: Ավելի վաղ՝ ուրբաթ, այդ ցուցանիշն աճել էր՝ մեկ դոլարի դիմաց հասնելով 8,8616 լիրայի: Հինգշաբթի առավելագույն արժեքը մեկ դոլարի դիմաց կազմել է 8.8099 լիրա: Այսպիսով` ցուցանիշը երկրորդ օրն անընդմեջ թարմացնում է նախկին պատմական նվազագույնը՝ 8,8061 լիրա մեկ դոլարի դիմաց, որին հասել էր հունիսին:

Լիրան էժանանում է այն բանից հետո, երբ Թուրքիայի Կենտրոնական բանկը զեղչի տոկոսադրույքը իջեցրել է 19% -ի մինչև 18%, թեև վերլուծաբաններն ակնկալում էին, որ այն կմնա նույն մակարդակի վրա:

Զեղչի տոկոսադրույքը Թուրքիայում մնացել է 19% մարտի 18-ից, երբ այն բարձրացվել էր 17%-ից: Այս որոշումից հետո Թուրքիայի նախագահ Ռեջեփ Թայիփ Էրդողանը պաշտոնանկ արեց Կենտրոնական բանկի ղեկավար Նաջի Աղբալին, ինչը դոլարի նկատմամբ թուրքական լիրայի փոխարժեքի կտրուկ անկման պատճառ դարձավ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica