close
Եղանակը Երևանում
19 Հոկտեմբերի 2021
+16°
+27°Ցերեկ
+15°Գիշեր
weather
close
Փոխարժեք
19 Հոկ 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Ազգային օրակարգը»՝ ՀՀ անկախության վերականգնման օրվա կապակացությամբ

Քաղաքական

21 Սեպտեմբերի 2021, 21:52
 «Ազգային օրակարգը»՝ ՀՀ անկախության վերականգնման օրվա կապակացությամբ

Երեսուն տարի առաջ, 1991 թվականի սեպտեմբերի 21-ին անցկացված Հանրաքվեի միջոցով Հայությունը վերականգնեց իր անկախ պետականությունը՝ հռչակելով Հայաստանի Հանրապետությունը ներկայիս Հայաստանի տարածքում։ Անկախության վերականգնումը նշանավորվեց նաև Հայության կողմից Հայոց աշխարհի մի երկրամասի՝ Արցախի ազատագրման և Հայրենիքի հետ վերամիավորման համար մղվող կենսական պայքարով։

Ի հեճուկս շրջափակմանը, զենքի ու զինամթերքի պակասին, Հայ ժողովրդի հայրենիքաբնակ հատվածի ամենօրյա զրկանքներին՝ Հայությունը կարողացավ իր ոգու և բազկի ուժով ջախջախել թշնամուն ու սկիզբ դնել Հայրենազրկման հետևանքների վերացմանը։ Սակայն, տարած ռազմական փառահեղ հաղթանակով հանդերձ, 1994 թվականին Հայաստանի այն ժամանակվա ռազմաքաղաքական ղեկավարությունը համաձայնվեց՝ Բիշքեկյան հայտնի արձանագրություններում ներառել պետական և ազգային շահերի տեսանկյունից կրավորական ու ոչ միարժեք դրույթներ։ Իսկ 1995 թվականի Ազգային ժողովի խայտառակ ընտրություններից սկսած մեր անկախ պետականության հետագա տարիները առանձնացան հակահայ իշխանական համակարգի ձևավորմամբ և ամրապնդմամբ։

Ի վերջո, 2020 թվականի Արցախյան երկրորդ պատերազմում Հայաստանին կազմակերպված պարտության մատնած թշնամի ուժերը փորձում են ավարտին հասցնել մեր Երկիրը ինքնիշխանությունից զրկելու գործընթացը, ինչը յուրաքանչյուր գիտակից ու նվիրյալ Հային պետք է ստիպի լծվել Հայոց պետական անկախության վերանվաճման անհաշտ պայքարին։

Այսօր հենց սա է այն խորհուրդը, ինչով պետք է ուղղորդվել և նշել Հայաստանի Հանրապետության անկախության 30 ամյակը։

«Ազգային օրակարգ» կուսակցության Խորհուրդ

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica