close
Եղանակը Երևանում
19 Ապրիլի 2021
+16°
+27°Ցերեկ
+15°Գիշեր
weather
close
Փոխարժեք
19 Ապր 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Զելենսկին մեկնել է Դոնբաս

Աշխարհ

8 Ապրիլի 2021, 16:48
 Զելենսկին մեկնել է Դոնբաս

Ուկրաինայի նախագահ Վլադիմիր Զելենսկին ժամանել է Դոնբաս և մտադիր է այցելել ուկրաինացի զինվորականների դիրքերը: Այս մասին հինգշաբթի հայտնել է պետության ղեկավարի աշխատակազմը։

«Ուկրաինայի նախագահ Վլադիմիր Զելենսկին աշխատանքային ուղևորություն է սկսել դեպի Դոնբաս: Երկրի ղեկավարը կայցելի առաջնային դիրքեր, որտեղ վերջերս համակարգված կերպով խախտվել է համապարփակ և կայուն հրադադարը, և որտեղ հակառակորդի գնդակոծության արդյունքում սպանվել և վիրավորվել են ուկրաինացի պաշտպաններ»,- ասվում է հաղորդագրության մեջ։

Ուկրաինայի նախագահի աշխատակազմը հավելել է, որ Զելենսկին նախատեսում է հանդիպել նաև ուկրաինացի ռազմական անձնակազմի հետ:

Այս տարվա փետրվարի վերջից Դոնբասում իրավիճակը սկսել է սրվել՝ չնայած 2020 թվականի հուլիսի 22-ին հրադադարի ռեժիմն ապահովող լրացուցիչ միջոցառումների մասին համաձայնագրին: Շփման գծում վերսկսվել են կրակի ինտենսիվ փոխանակումները: Երկու կողմից էլ կան զոհեր և վիրավորներ, այդ թվում ՝ խաղաղ բնակչության շրջանում:

Ուկրաինան մեղադրում է Դոնբասի հանրապետություններին սրացման մեջ: Որպես սրացման հիմնական պատճառ՝ Դոնեցկն ու Լուգանսկը մատնանշել են Կիևի՝ հուլիսյան համաձայնագրերը չկատարելը: Բացի այդ՝ Դոնեցկի ժողովրդական հանրապետության արտաքին գործերի նախարար Նատալյա Նիկոնորովան ասել է, որ Ուկրաինայի իշխանությունները փորձում են թեժ փուլ մտցնել հակամարտությունը Դոնբասում և ռազմական լուծման հրահրել:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica