close
Եղանակը Երևանում
4 Մարտի 2021
+16°
+27°Ցերեկ
+15°Գիշեր
weather
close
Փոխարժեք
4 Մար 2021
USD1486.54
GBP1613.24
EUR1550.71
RUB16.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Ուշացած, բայց ճիշտ որոշում է». տնտեսագետը` Ամանորի տոնական օրերի կրճատման մասին

Տնտեսական

22 Հունվարի 2021, 12:38
 «Ուշացած, բայց ճիշտ որոշում է». տնտեսագետը` Ամանորի տոնական օրերի կրճատման մասին

Տնտեսագետ, ՀՅԴ Բյուրոյի տնտեսական հետազոտությունների գրասենյակի համակարգող Թադևոս Ավետիսյանը Sputnik Արմենիայի եթերում անդրադարձել է էկոնոմիկայի նախարարության նախաձեռնությանը, որով առաջարկվում է դեկտեմբերի 31-ը, հունվարի 3-ը, 4-ը, 5-ը և 7-ը սահմանել աշխատանքային օրեր:

Թադևոս Ավետիսյանի դիտարկմամբ` ՀՀ–ում տոնական և հիշատակի ոչ աշխատանքային օրերն, ի տարբերություն միջազգային փորձի, բավականին շատ են, որոնց համար գործատուն նաև վճարում է աշխատողին։ Հատկապես իրար հաջորդող ամանօրյա տոնական օրերը գործատուների համար բնականոն գործունեությունը կազմակերպելու տեսանկյունից ստեղծում են բազմաթիվ խնդիրներ։ Ըստ նրա`ամանորյա տոնական օրերի կրճատումը տնտեսական առումով թեև ուշացած, բայց ճիշտ որոշում է։

«Եթե աշխատանքային օրենսգրքով գործատուն տոնական ոչ աշխատանքային օրն աշխատողին հրավիրում է աշխատանքի, ապա պետք է վճարի կրկնակի չափով և այդ պարագայում գործատուները կամ չեն աշխատում, կամ կրում են լրացուցիչ ծախսեր։ Դա մեծ հաշվով առաջ է բերում խնդիրներ նաև որոշ աշխատողների համար։ Դա ըստ էության ձեռնտու չէ, որովհետև նրանք, ովքեր աշխատում են գործավարձով կամ ժամավարձով, փաստացի մոտ 12-13 օր չեն գալիս աշխատանքի, չեն ունենում արդյունք և բնականաբար չեն ստանում վարձատրություն»,– նշեց տնտեսագետը։

Ավետիսյանը խնդիր է տեսնում նաև պետության համար, քանզի բազմաթիվ ծառայություններ հունվարի առաջին տասնօրյակում նույնպես չեն աշխատում, ծավալները կուտակվում են և հետո խնդիրներ են առաջանում հանրության շրջանում պետական մարմինների այդ օրերին չաշխատելու հետ կապված։ Հետևաբար` Ավետիսյանը շատ տեղին է համարում նախաձեռնությունը, ինչի շնորհիվ Հայաստանն ավելի կմոտենա միջազգային չափանիշներին։

Տնտեսագետի համոզմամբ` ամանորյա տոների կրճատման արդյունքում հունվարի սկզբին կավելանան աշխատանքային օրերը, ինչը կբերի հավելյալ արժեքի ստեղծման և կտա նաև հարկերի ավելացման հնարավորություն։       

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica